બોલીવુડ અભિનેત્રી પ્રિયંકા ચોપડા અત્યારે માં બનવા અંગે ચર્ચામાં છે. તાજેતરમાં તેમણે પતિ નિક જોનસની સાથે મળીને ચાહકોને જણાવ્યું હતુ કે બંને સરોગસી દ્વારા માતા-પિતા બની ગયા છે. આ ખુશખબરી સાંભળ્યા બાદ દંપત્તિના નજીકના મિત્રો અને તેમના ચાહકોએ તેમને અઢળક શુભેચ્છાઓ આપી હતી.
બેબી એનાઉન્સમેન્ટ બાદ પ્રિયંકા ચોપડાએ પહેલી પોસ્ટ શેર કરી
પ્રિયંકા ચોપડાએ કારમાં બેસી રિયર સેલ્ફી લઇ લીધી
પ્રિયંકાના ચાહકોએ તેના ભરપૂર વખાણ કર્યા
માં બન્યાં બાદ પ્રિયંકાએ શેર કરી તસ્વીરો
માં બન્યાં બાદ પ્રિયંકા ઉત્સાહમાં આવી ગઇ છે. હવે તેમણે બેબી એનાઉન્સમેન્ટ બાદ પહેલી પોસ્ટ શેર કરી છે જેમાં તેમણે જણાવ્યું કે તે કેવુ મહેસૂસ કરી રહી છે. તસ્વીરોમાં પ્રિયંકા ચોપડા કારમાં બેસી રિયર મિરર સેલ્ફી લઇ રહી છે. તેમણે તસ્વીરો શેર કરી કેપ્શનમાં લખ્યું કે રોશની સારી લાગે છે. પ્રથમ તસ્વીરમાં પ્રિયંકાના ચહેરા પર નૂર સારુ દેખાઈ રહ્યું છે. તો બીજી તસ્વીરમાં તે સનગ્લાસ પહેરીને પોઝ આપી રહી છે. તેમની આ તસ્વીરોને લોકો ખૂબ લાઈક અને શેર કરી રહ્યાં છે.
પ્રિયંકાએ પોતાની આ તસ્વીરોને ઈન્સ્ટાગ્રામ એકાઉન્ટ પર પણ શેર કરી છે. જેને તેના ચાહકો ખૂબ પસંદ કરી રહ્યાં છે. એક યુઝરે લખ્યું, ગ્લો. બીજાએ કોમેન્ટ કરી, હેલો મૉમી. આ સિવાય યુઝર્સ સુંદર અને ગોઝર્સ કોમેન્ટ કરી પ્રિયંકાના ભરપૂર વખાણ કરી રહ્યાં છે. તેમની આ તસ્વીરોને અત્યાર સુધી 13 લાખથી વધુ લાઈક્સ મળી છે. પ્રિયંકાએ હાલમાં ઈન્સ્ટાગ્રામ એકાઉન્ટ પર પોતાની માં બનવાના સમાચાર ચાહકોને આપ્યાં હતા.