ગ્લોબલ એક્ટ્રેસ પ્રિયંકા ચોપડા પોતાની સુંદરતા અને બોલ્ડનેસની સાથે પોતાની બેબાકીથી ચાહકોના દિલ પર રાજ કરે છે. ત્યારે હાલમાં જ તેણે તેની દીકરી સાથે તસવીર શેર કરી. ચાલો જોઈ લો.
ગ્લોબલ એક્ટ્રેસ પ્રિયંકા ચોપડા ફરી ચર્ચામાં
એક્ટ્રેસ દીકરી સાથે શેર કરી તેની તસવીર
વાયરલ થઈ રહી છે આ તસવીર
પ્રિયંકા ચોપડા જોનાસ સોશિયલ મીડિયા પર ખૂબ જ એક્ટિવ રહે છે અને ઘણીવાર તેની તસવીરો સોશિયલ મીડિયા પર શેર કરતી રહે છે. પ્રિયંકાએ હાલમાં જ તેની 'દીકરી' સાથે એક તસવીર શેર કરી છે, જે વાયરલ થઈ રહી છે. હવે તમે વિચારતા જ હશો કે લગ્ન પછી, હજી સુધી તેણે કોઈ સમાચાર આપ્યા નથી, તો દીકરી ક્યાંથી આવી. તો ચાલો તમને જણાવીએ.
હકીકતમાં પ્રિયંકા તેના પેટ્સ ડાયના, ગીનો અને પાંડાથી ખૂબ જ પ્રેમ કરે છે. તે ઘણીવાર કહી ચૂકી છે કે, તે તેના 3 પેટ્સની પ્રાઉડ મોમ છે. જેમનું ભરણ પોષણ તે પતિ નિક જોનાસ સાથે મળીને કરે છે. બિઝી સ્ટાર પ્રિયંકા પાસે અત્યારે ઘણાં પ્રોજેક્ટ્સ છે પરંતુ જ્યારે પણ તેણે ફ્રી સમય મળે છે ત્યારે તે પોતાના વહાલા પેટ્સ સાથે ક્વોલિટી ટાઈમ સ્પેન્ડ કરે છે. હાલમાં જ પ્રિયંકાએ દીકરી ડાયના સાથે પોતાની એક તસવીર શેર કરી છે. જે સોશિયલ મીડિયા પર ખૂબ વાયરલ થઈ રહી છે.
પ્રિયંકાએ ડાયના સાથે ફોટો શેર કરીને લખ્યું છે, 'ગર્લ ટાઇમ'. પ્રિયંકા ડાયનાને ખૂબ જ પ્રેમ કરે છે અને તે જ્યાં રહે છે ત્યાં હંમેશા તેની સાથે રહે છે. એટલું જ નહીં, તેણે ડાયના નામનું એક ઈન્સ્ટાગ્રામ એકાઉન્ટ પણ બનાવ્યું છે જેને ઘણાં સેલેબ્સ પણ ફોલો કરે છે. સાથે જ આ એકાઉન્ટ પરથી પ્રિયંકા અને ડાયનાનો ફોટો શેર કરવામાં આવી છે અને લખ્યું છે કે, 'મમ્મી અને હું.'
તમને જણાવી દઈએ કે પ્રિયંકા ચોપડા 10 અને 11 એપ્રિલના રોજ યોજાનારા બ્રિટિશ એકેડેમી ફિલ્મ એવોર્ડને પ્રેઝેન્ટ કરશે. આ સમારોહ રોયલ એલ્બર્ટ હોલમાં યોજાશે. પ્રિયંકાએ સોશિયલ મીડિયા પર આ માહિતી આપી હતી. પ્રિયંકાની સાથે, ઘણાં હોલિવુડ સ્ટાર્સ પણ આ એવોર્ડ રજૂ કરવા જઇ રહ્યાં છે. પ્રિયંકા અને અન્ય પ્રેઝેન્ટર્સ વર્ચ્યુઅલ રીતે જોડાશે. ખાસ વાત એ છે કે પ્રિયંકાની ફિલ્મ ધ વ્હાઇટ ટાઇગરને પણ આ એવોર્ડમાં બે નોમિનેશન મળ્યા છે.