હાલમાં જ એક ઈન્ટરવ્યૂમાં પ્રિંયકા ચોપડાએ જણાવ્યું કે ભારતમાં સ્કિન વ્હાઈટનિંગ ક્રીમની જાહેરાત કરવા માટે તેને લોકોના વિરોધનો સામનો કરવો પડ્યો હતો.
પ્રિંયકા ચોપડાને ફેરનેસ ક્રીમને સપોર્ટ કરવાનો છે પછતાવો
પ્રિયંકાને વ્હાઈટનિંગ ક્રીમની જાહેરાત કરવા માટે તેને લોકોના વિરોધનો સામનો કરવો પડ્યો હતો
હોલિવૂડમાં એન્ટ્રી કર્યા બાદ પ્રિયંકાએ ફેરનેસ ક્રીમ જેવી જાહેરાત કરવાનું બંધ કરી દીધું
બોલિવૂડની દેશી ગર્લ પ્રિયંકા ચોપડાએ વિદેશમાં દેશનું નામ ખૂબ ઊંચુ કર્યું છે. અભિનેત્રીએ પોતાના દમદાર અભિનય અને જુસ્સાથી હોલીવુડમાં એક અલગ ઓળખ બનાવી છે. અભિનેત્રી પ્રિયંકા ચોપડા તેના નિડર અંદાજ માટે પણ જાણીતી છે. મિસ વર્લ્ડનો ખિતાબ જીતનાર પ્રિયંકા ચોપડા ઘણી વખત પોતાની સ્ટ્રગલ વિશે ઇન્ટરવ્યૂમાં ખુલીને બોલી ચૂકી છે. ત્યારે હાલમાં જ એક ઈન્ટરવ્યૂમાં તેણે જણાવ્યું કે ભારતમાં સ્કિન વ્હાઈટનિંગ ક્રીમની જાહેરાત કરવા માટે તેને લોકોના વિરોધનો સામનો કરવો પડ્યો હતો. હોલિવૂડમાં એન્ટ્રી કર્યા બાદ પ્રિયંકાએ ફેરનેસ ક્રીમ જેવી જાહેરાત કરવાનું બંધ કરી દીધું.
એક નવી પ્રોફાઇલમાં પ્રિયંકા ચોપડાએ જણાવ્યું હતું કે એક ભારતીય એક્ટર માટે ફેરનેસ ક્રીમની જાહેરાત કરવી કેટલી સામાન્ય વાત છે. પ્રિયંકા ચોપડાએ પોતાની બુ 'અનફિનિશ્ડ'માં આ વિશે ખુલીને વાત કરી છે. પ્રિયંકા ચોપડાએ લખ્યું છે કે, દક્ષિણ એશિયામાં સ્કિન લાઈટનિંગને એન્ડોર્સ કરવું સામાન્ય છે. ઈન્ડસ્ટ્રી એટલી મોટી છે કે બધાં જ આ કરી રહ્યાં છે અને આજે પણ એક મહિલા એક્ટર જ્યારે આવું કરે છે તો તેને યોગ્ય માનવામાં આવે છે, પરંતુ આ ખોટું છે. મારા માટે પણ આવું કરવું ખોટું હતું. એક નાનકડી છોકરી જે તેના ચહેરા પર ટેલ્કમ પાવડર લગાવતી હતી, કારણ કે હું માનતી હતી કે ડાર્ક સ્કિન હોવી સારી વાત નથી.
પ્રિયંકા ચોપડાએ વર્ષ 2015થી આવી જાહેરાત કરવાની બંધ કરી દીધી. બરખા દત્ત સાથેના એક ઈન્ટરવ્યૂમાં પ્રિયંકાએ કહ્યું હતું કે, મને આ બાબતને લઈને ફીલ થતું હતું, જેથી મૈં આવી જાહેરાત કરવાનું બંધ કરી દીધું. મારા બધાં ભાઈ બહેન ગોરા હતા, મારી જ સ્કિન ડાર્ક હતી, કારણ કે મારા પિતાની સ્કિન ડાર્ક હતી. મારી ફેમિલી મને ચિડવવા માટે મને કાળી કાળી કહીને બોલાવતા હતા. હું 13 વર્ષની ઉંમરે ફેરનેસ ક્રીમ લગાવવા માંગતી હતી જેથી હું ગોરી દેખાઈ શકું.
તમને જણાવી દઈએ કે પ્રિયંકા ચોપડાની બુક 'અનફિનિશ્ડ' 9 ફેબ્રુઆરીના રોજ રીલિઝ થઈ રહી છે. તેમાં પ્રિયંકાએ બાળપણ, યુ.એસ. માં રંગને લઈને થતાં ભેદભાવ, મિસ ઈન્ડિયા અને મિસ વર્લ્ડનો ખિતાબ જીતવા, હોલિવૂડની દુનિયામાં પગ મૂકવા અને બોલિવૂડના પડકારોનો સામનો કરવા વિશે ખુલીને વાત કરી છે.