પ્રિયંકા ચોપડાએ વધુ એક ગિફ્ટ પોતાના ફેન્સને આપી છે. એક્ટ્રેસે હવે ન્યૂયોર્કમાં એક આલીશાન રેસ્ટોરન્ટ ખોલ્યું છે. જેની તસવીરો વાયરલ થઈ રહી છે.
પ્રિયંકા ચોપડાએ ફેન્સને આપી વધુ એક ગિફ્ટ
એક્ટ્રેસે ન્યૂયોર્કમાં એક આલીશાન રેસ્ટોરન્ટ ખોલી
ભારતીય ફેન્સ માટે પ્રિયંકાએ કર્યું આ કામ
ગ્લોબલ એક્ટ્રેસ પ્રિયંકા ચોપડા કોઈને કોઈ કારણોસર હમેશાં ચર્ચામાં રહે છે. બોલિવૂડ બાદ હવે હોલિવૂડ પર રાજ કરનાર એક્ટ્રેસની બુક અનફિનિશ્ડ હાલમાં જ લોન્ચ કરવામાં આવી હતી, જેમાં તેણે પોતાના જીવનના તમામ રહસ્યો ખોલ્યા છે. હવે પ્રિયંકા પોતાના ફેન્સ માટે વધુ એક મોટી ગિફ્ટ લઈને આવી છે. એક્ટિંગ બાદ હવે તે પેટ દ્વારા લોકોના દિલ સુધી પહોંચવા માંગે છે અને એટલે જ તેણે વિદેશમાં રહેતા તેના ભારતીય ફેન્સ માટે ન્યૂયોર્કમાં એક આલીશાન રેસ્ટોરન્ટ ખોલ્યું છે.
પ્રિયંકા ચોપડા જોનાસે તેના રેસ્ટોરન્ટનું નામ સોના રાખ્યું છે, જેમાં તેણે ભારતીય ભોજન પ્રત્યેનો પોતાનો પ્રેમ વ્યક્ત કર્યો છે. તેના ઉદ્ઘાટન માટે એક નાનકડી પૂજા પણ રાખવામાં આવી હતી. તેણે રેસ્ટોરન્ટની તસવીરો શેર કરતાં પોતાના ઇન્સ્ટાગ્રામ એકાઉન્ટ પર એક પોસ્ટ શેર કરી છે.
પ્રિયંકા ચોપડાએ આ તસવીરો શેર કરતાં લખ્યું કે, સોનાને તમારી સામે રજૂ કરવામાં મને આનંદ થઈ રહ્યો છે. ન્યૂયોર્ક સિટીની એક નવી રેસ્ટોરન્ટ જ્યાં મેં ભારતીય ભોજન માટે પોતાનો પ્રેમ વ્યક્ત કર્યો છે. સોના એ ભારતીય સ્વાદનું પ્રતીક છે જેની સાથે હું મોટી થઈ છું. રસોડું શેફ હરિ નાયક ચલાવશે, જે અત્યંત પ્રતિભાશાળી છે. તેમણે ખૂબ જ સ્વાદિષ્ટ અને નવીન મેનુ તૈયાર કર્યું છે. જે તમને મારા દેશની ફૂડ ટ્રિપ પર લઈ જશે.
પ્રિયંકાએ જણાવ્યું કે સોના આ મહિને ખુલી રહી છે અને હું તમને બધાંને ત્યાં જોવા માટે આતુર છું. મારા મિત્રો મનીષ ગોયલ અને ડેવિડ રૂબીન વિના આ પ્રયાસ શક્ય ન હોત. તેણે કહ્યું કે આ પોસ્ટની બીજી અને ત્રીજી તસવીર સપ્ટેમ્બર 2019માં લેવામાં આવી હતી, જ્યારે અમે આ સ્થાન માટે એક નાનકડી પૂજા રાખી હતી.