'ભારત' બાદ પ્રિયંકાએ છોડી સંજય લીલા ભણસાલીની ફિલ્મ?

મુંબઇ: આજકાલ પ્રિયંકા ચોપડા અમેરિકન સિંગર નિક જોનસની સાથે કથિત રિલેશનશિપને લઇને ચર્ચામાં બનેલી છે. આ ઉપરાંત લોકોને ત્યારે પણ નવાઇ લાગી જ્યારે પ્રિયંકાએ સલમાન ખાનની ફિલ્મ 'ભારત'ને વચ્ચેથી છોડી દીધી હતી. આ માટે ફિલ્મના ડાયરેક્ટર અલી અબ્બાસ જફરે ટ્વિટ કરીને એવી પર હિન્ટ આપી હતી કે પ્રિયંતકાએ આ ફિલ્મ નિકની સાથે પોતાની સગાઇને કારણ છોડી દીધી છે. 

જો કે હવે એવું સાંભળવા મળી રહ્યું છે કે પ્રિયંકાએ બીજી એક બોલીવુડ ફિલ્મ છોડી દીધી છે. એક રિપોર્ટ અનુસાર એવી ચર્ચા છે કે સંજય લીલા ભણસાલીની સાથે 'બાજીરાવ મસ્તાની'માં કામ કરી ચુકેલી પ્રિયંકાએ એની આગળની ફિલ્મ છોડી દીધી છે. મળતી માહિતી અનુસાર આ ફિલ્મ મહિલા ગેંગસ્ટર ગંગૂબાઇ કોઠેવાલી પર આધારિત છે. 

સૂત્રોના જણાવ્યા અનુસાર ભણસાલી આ ફિલ્મને પ્રિયંકાને લીડ રોલમાં લઇને જ બનાવવા ઇચ્છતા હતા પરંતુ ત્યારે જ પ્રિયંકાને એક હોલીવુડ ફિલ્મની ઓફર આવી. જણાવી દઇએ કે પ્રિયંકાને ક્રિસ પેટના લીડ રોલ વાળી ફિલ્મ 'કાઉબોય નિંઝા વાઇકિંગ' ઓફર કરવામાં આવી છે અને આ આ ફિલ્મના કારણે એને પોતાના બોલીવુડ પ્રોજેક્ટસથી અંતર વધારવાનું શરૂ કરી દીધું છે. 

જણાવી દઇએ કે ફિલ્મ પ્રિયંકાએ સોનાલી બોસની આગળની ફિલ્મ 'ધ સ્કાઇ ઇઝ પિંક' પણ સાઇન કરી છે. આ ફિલ્મમાં એ ફરહાન અખ્તરની ઓપોઝિટમાં જોવા મળશે.