જો બાઈડેન યુએસની ચૂંટણી 2020માં જીત મેળવી છે અને તે યુએસના 46મા રાષ્ટ્રપતિ બન્યા છે. જો બાઈડેનની સાથે ભારતીય મૂળની કમલા હેરિસ અમેરિકાની ઉપરાષ્ટ્રપતિ બનવા જઈ રહી છે. જેના પર હોલિવૂડ અને બોલિવૂડ અભિનેત્રી પ્રિયંકા ચોપડા જોનાસે પણ ખુશી વ્યક્ત કરી છે. જો બાઈડેન અને કમલા હેરિસની જીત પર ખુશી વ્યક્ત કરતા પ્રિયંકા ચોપડાએ એક પોસ્ટ શેર કરી છે. જેમાં તેણે તમામ વોટર્સનો આભાર માન્યો છે.
જો બાઈડેન યુએસની ચૂંટણી 2020માં જીત મેળવી
ભારતીય મૂળની કમલા હેરિસ અમેરિકાની ઉપરાષ્ટ્રપતિ બનવા જઈ રહી છે
હોલિવૂડ અને બોલિવૂડ અભિનેત્રી પ્રિયંકા ચોપડા જોનાસે પણ ખુશી વ્યક્ત કરી
પ્રિયંકાએ તેની પોસ્ટમાં લખ્યું છે- 'અમેરિકાએ રેકોર્ડ બ્રેક કરવાની વાત કરી અને હવે તેનું પરિણામ બહાર આવી ચૂક્યું છે. દરેક વોટ મહત્વનો છે. હું તે બધાં લોકોનો આભાર માનું છું જેમણે મત આપ્યો અને બતાવ્યું કે લોકશાહી કેવી રીતે કાર્ય કરે છે. યુએસમાં આ ચૂંટણી જોવી એ એક શાનદાર અનુભવ હતો. ચૂંટાયેલા રાષ્ટ્રપતિ જો બાઈડેન અને ઉપરાષ્ટ્રપતિ કમલા હેરિસને ખૂબ અભિનંદન. પ્રથમ મહિલા ઉપરાષ્ટ્રપતિ. છોકરીઓ મોટા સપના જુઓ, કંઈપણ થઈ શકે છે. અમેરિકાને અભિનંદન.
તમને જણાવી દઈએ કે, અમેરિકાના રાષ્ટ્રપતિની ચૂંટણીમાં ડેમોક્રેટિક પાર્ટીના ઉમેદવાર જો બાઈડેન જીત્યા છે અને ભારતીય મૂળના સીનેટર કમલા હેરિસને ઉપરાષ્ટ્રપતિ પદના ઉમેદવાર તરીકે પસંદ કરવામાં આવ્યા છે. જોકે, આ પહેલીવાર છે જ્યારે કોઈ અશ્વેત મહિલા યુએસની કોઈ મોટી પાર્ટીની ઉપરાષ્ટ્રપતિ પદની ઉમેદવાર બની છે. આ જ કારણ છે કે પ્રિયંકા ચોપડાએ સોશિયલ મીડિયા પર આ બાબતે ખુશી વ્યક્ત કરી છે.