બોલિવૂડ / પ્રિયંકા ચોપડાએ તેની બુક 'Unfinished'માં કર્યો ચોંકાવનારો ખુલાસો, કહ્યું- ડિરેક્ટરે મને બ્રેસ્ટ સર્જરી કરાવવાનું કહ્યું જે બાદ...

• ગ્લોબલ એક્ટ્રેસ પ્રિયંકા ચોપડા સોશિયલ મીડિયા પર ખૂબ જ એક્ટિવ રહે છે
• તેણે પોતાની બુક 'અનફિનિશ્ડ'માં કેટલાક રહસ્યો વિશે ખુલીને જણાવ્યું છે
• પ્રિયંકા ફરી એકવાર ચર્ચામાં આવી ગઈ છે

બોલિવૂડની જાણીતી એક્ટ્રેસ પ્રિયંકા ચોપડા સોશિયલ મીડિયા પર ખૂબ જ એક્ટિવ રહે છે. તે તેના ફેન્સની સાથે અવારનવાર ઘણી બધી પોસ્ટ, ફોટોઝ અને વીડિયો શેર કરતી રહે છે. ત્યારે હાલમાં જ પ્રિયંકા ફરી એકવાર ચર્ચામાં આવી ગઈ છે. હાલમાં તે તેની બૂક 'અનફિનિશ્ડ'ને કારણે ચર્ચામાં છે. 'અનફિનિશ્ડ'માં પ્રિયંકા ચોપરાએ તેના જીવનના ઘણાં રહસ્યો પરથી પડદા ઉઠાવ્યા છે અને તેનાં ફેન્સને તેની પર્સનલ લાઇફ અંગે ઘણી વાતો જણાવી છે. 

 

 

 

 

View this post on Instagram

 

 

 

 

 

 

 

 

 

 

 

A post shared by Priyanka Chopra Jonas (@priyankachopra)

આ બુકમાં પ્રિયંકા ચોપડાએ તેની સ્ટ્રગલના દિવસોથી લઇને સફળતાની સીડીઓ ચડવા સુધી ઘણા રહસ્યો ખોલ્યા છે. આ બૂકમાં તેણે તેની સર્જરી અંગે પણ વાત કરી છે અને એક ડિરેક્ટરનો પણ ઉલ્લેખ કર્યો છે. જેણે તેના લૂકને ચેન્જ કરવા માટે પ્લાસ્ટિક સર્જરી કરાવવાની સલાહ આપી હતી.

પ્રિયંકા ચોપડાની આ બુક આજે રિલીઝ થવાની છે. પ્રિયંકા ચોપડાએ તેની બુકમાં કેટલાક ખુલાસા કર્યા છે જેમાંથી એક છે પ્લાસ્ટિક સર્જરીની સલાહને લઈને વાત જણાવી છે. પ્રિયંકાએ આ બુકમાં જણાવ્યું છે કે, જ્યારે તે ઈન્ડસ્ટ્રીમાં નવી હતી અને અહીં ટકી રહેવા માટે સતત પ્રયત્નો અને મહેનત કરી રહી હતી, ત્યારે એક પ્રોડ્યુસર / ડિરેક્ટરને તે મળી હતી. જ્યારે તે એ ડિરેક્ટર સાથે વાત કરવા પહોંચી તો તેણે પ્રિયંકાને ગોળ ફરવાનું કહ્યું. તો પ્રિયંકાને કંઈ સમજાયું નહીં કે એ આવું કેમ કરાવી રહ્યો છે. પછી એ ડિરેક્ટર તેને તાકતો રહ્યો. 

પ્રિયંકાએ આગળ જણાવ્યું-એ પછી તેણે મને બ્રેસ્ટ સર્જરી કરવાની સલાહ આપી હતી અને મને બટ્સ અને જો લાઇન પણ ઠીક કરાવવી જોઇએ તેવી સલાહ આપી હતી. જો મારે એક સક્સેસફૂલ એક્ટ્રેસ બનવું છે તો મારે આ બધુ કરાવવું પડશે, કારણ કે તેને લાગી રહ્યું હતું કે, મારા બ્રેસ્ટ અને બટનો આકાર સારો નથી. તેણે મને એક ડોક્ટરથી મળવાની સલાહ આપી હતી. તેણે કહ્યું કે, 'લોસ એન્જલસમાં એક ડોક્ટર સાથે મારી ઓળખાણ છે. તુ તેને મળી શકે છે. આ ઘટના બાદ હું ઘણી પરેશાન થઇ ગઇ હતી અને મારી જાતને ખૂબ જ ઓછું આંકવા લાગી હતી.