પ્રોડ્યુસર બોની કપૂર અને તેની પુત્રી ખુશી કપૂરે ભારતીય ભોજનની શોખીન પ્રિયંકા ચોપરા માટે ભારતીય નાસ્તો મોકલીને તેને ખુશ કરી દીધી છે.
વિદેશમાં દેશી નાસ્તાનો સ્વાદ લઈ રહી છે પ્રિયંકા
બોની કપૂર અને ખુશી કપૂરને કહ્યું થેન્કયુ
દેશી નાસ્તાનો ફોટો કર્યો શેર
બોલિવૂડથી લઈને હોલીવુડ સુધી પોતાનું ટેલેન્ટ બતાવી ચુકેલી પ્રિયંકા તે મિત્રતા જાળવી રાખવા માટે પણ જાણીતી છે અને હંમેશા બોલિવૂડના લોકો સાથે જોડાયેલી રહે છે. ભલે પ્રિયંકાએ લગ્ન પછી વિદેશમાં રહેવાનું શરૂ કરી દીધું હોય. પરંતુ તે પોતાની ધરતી અને સ્વાદને ક્યારેય ભૂલતી નથી.
પોતાની દીકરીનું નામ શુદ્ધ દેશી રાખીને તેમણે એ પણ સાબિત કરી દીધું છે કે તેમનું દિલ હિન્દુસ્તાની છે. રોજેરોજ કોઈને કોઈ ખબરમાં રહેતી દેશી ગર્લને વિદેશમાં રહીને જ દિશે ફૂડનો સ્વાદ મળ્યો છે. બોલિવૂડના ડાયરેક્ટર-પ્રોડ્યુસર બોની કપૂર અને તેમની પુત્રી ખુશી કપૂરે પ્રિયંકાને સ્પેશિયલ ગિફ્ટ મોકલી આપી છે.
બોની કપૂર અને ખુશી કપૂરનો માન્યો આભાર
પ્રિયંકા ચોપરાએ તેના ઇન્સ્ટાગ્રામ પર બોની કપૂર અને તેની નાની પુત્રી ખુશી કપૂરનો આભાર માનતા એક પોસ્ટ શેર કરી છે. ઈન્સ્ટા સ્ટોરીમાં પ્રિયંકાએ પિતા અને પુત્રી દ્વારા ભારતથી મોકલવામાં આવેલા નાસ્તાની ઝલક બતાવી છે.
દેશી ગર્લને વિદેશમાં મળ્યો દેશી સ્વાદ
પ્રિયંકા ચોપરાએ શેર કરેલી તસવીરમાં ખાખરા, ટોસ્ટ, પૈવા, પુરી જેવી ભારતીય વાનગીઓની સાથે વિવિધ પ્રકારના નમકીનના પેકેટ ટેબલ પર જોવા મળે છે. આ ગિફ્ટ મળ્યા બાદ દેશી ગર્લની ખુશીનો કોઈ પાર નથી. આ નાસ્તાનો ફોટો શેર કરી અભિનેત્રીએ બોની કપૂર અને ખુશી કપૂરને ટેગ કર્યા અને ઘરના સ્વાદ માટે આભાર માન્યો.