મુંબઈ ક્રાઈમે બ્રાંચ દ્વારા જેમ જેમ સોશ્યલ મીડિયા ફોલોઅર્સ સ્કેમ પણ તપાસ કરવામાં આવી રહી છે તેમ તેમ નવા નવા ખુલાસાઓ સામે આવી રહ્યા છે. તપાસમાં સૌથી ચોંકાવનારો ખુલાસો ત્યારે થયો જ્યારે સામે આવ્યું કે બોલિવૂડની જાણીતી હસ્તીઓ દીપિકા પાદુકોણ અને પ્રિયંકા ચોપડા જોનાસ સાથે 10 લોકોના નામ ફેક ફોલોઅર્સ લિસ્ટમાં આવી ગયા.
મુંબઈ પોલીસ દીપિકા અને પ્રિયંકાની કરી શકે છે પૂછપરછ
ફેક ફોલોઅર્સ કૌભાંડમાં અત્યાર સુધી 18ની પૂછપરછ થઇ
ફ્રાંસ સરકારને પણ લખવામાં આવ્યો પત્ર
મીડિયા અહેવાલ અનુસાર તમામ સેલિબ્રીટીથી પૂછપરછ થશે
આ ફેક ફોલોઅર્સને ઈન્સ્ટાગ્રામની ભાષામાં "Bots" કહેવામાં આવે છે. હવે મીડિયા અહેવાલો સામે આવ્યા છે કે મુંબઈ પોલીસ ખૂબ જલ્દી આ તમામ સેલિબ્રીટીથી પૂછપરછ કરી શકે છે. ક્રાઈમ બ્રાંચના સૂત્રોએ જણાવ્યું કે આશરે 100થી 150 લોકોનું સ્ટેટમેન્ટ લેવામાં આવશે.
અત્યાર સુધી 18ની પૂછપરછ થઇ
સ્ટેટમેન્ટ લેતી વખતે પોલીસ આ તમામ કલાકારોને તેમના ફોલોઅર્સ સાબિત કરવા કહી શકે છે જેથી જાણી શકાય કે ફોલોઅર્સ અસલી છે કે પછી કોઈ કંપની દ્વારા ખરીદવામાં આવ્યા છે. અત્યારે સુધી આ મામલે 18 લોકોથી પૂછપરછ કરવામાં આવી છે. જેમાં ફિલ્મ નિર્માતા, નિર્દેશક, કલાકાર, મેકઅપ આર્ટિસ્ટ, કૉરિયોગ્રાફર જેવા લોકોનો સમાવેશ થાય છે.
ફ્રાંસ સરકારને પણ લખ્યો છે પત્ર
આટલું જ નહી મુંબઈ ક્રાઈમ બ્રાંચ દ્વારા ફ્રાંસ સરકારને પણ એક પત્ર લખવામાં આવ્યો છે જેમાં followerscart.comથી જોડાયેલા મુખ્ય લોકો જે ફ્રાંસમાં રહી રહ્યા છે તેમના વિશે માહિતી માંગવામાં આવી છે. નોંધનીય છે કે ક્રાઈમ બ્રાંચે એવી 68 કંપનીઓની ઓળખ કરી છે જે ફેક સોશ્યલ મીડિયા ફોલોઅર્સનું રેકેટ ચલાવે છે.
ક્રાઈમ બ્રાંચ અનુસાર આ આખું સીસ્ટમ "Cost per Post" પર ચાલે છે. આમ પ્રતિભાશાળી સોશ્યલ મીડિયા યુઝરનો એક રેટ હોય છે અને તેથી કોઈ પણ બ્રાન્ડની પોસ્ટ કરવા પર તેમને વધારે પૈસા મળે છે અને તેમાં કેટલીક હસ્તીઓ ડીલ કરે છે.