બોલિવૂડ / પ્રિયંકા પર ભડક્યાં યુઝર્સ: લોકોએ કહ્યું દેશમાં ચૂપ રહીને વિદેશમાં એક્ટિવિસ્ટ બનવાની જરૂર નથી

• પ્રિયંકા લેવાઇ આડેહાથ
• જ્યોર્જના સમર્થનમાં પ્રિયંકા

પ્રિયંકાએ એક ગ્રાફિક શૅર કર્યુ હતું જેમાં લખ્યુ હતુ કે પ્લીઝ હું શ્વાસ નથી લઇ શકતો. આ લાઇન જ્યોર્જ ફ્લોઇડે બોલી હતી. આ સાથે પ્રિયંકાએ લખ્યુ હતું કે, કેટલા બધા કામ બાકી છે અને આપણે આ બધા કામ વ્યક્તિગતરૂપથી કરવા પડશે. પોતાને શિક્ષિત કરીને નફરતને મિટાવવી પડશે.

ત્વચાના રંગને લઇને કોઇએ ન મરવું જોઇએ. 25 મે એ પોલીસે જ્યોર્જનું ગળુ દબાવી રાખ્યુ હતુ જેના કારણે તેનું મોત નિપજ્યું હતું. તે ત્યાં શ્વાસ લેવા માટે મથતો રહ્યો અને સંઘર્ષ કરતો રહ્યો. તે પોલિસવાળા પર હત્યાનો ચાર્જ લાગશે. જ્યોર્જ હું તારા પરિવાર માટે પ્રાર્થના કરુ છું. સાથે જ તેણે પિટિશન ફાઇલ કરવા માટે પણ કહ્યું હતું. 

પ્રિયંકાની આ પોસ્ટ પર યુઝર્સ ભડકી ગયા હતા અને કહેવા લાગ્યા હતા કે, પોતાના દેશમાં જ્યારે આવી ઘટનાઓ ઘટે છે ત્યારે કેમ ચૂપ રહો છો ? અમેરિકામાં મોટા એક્ટિવિસ્ટ બનીને ફરો છો. 

પ્રિયંકાના પતિ નિક જોનાસ તેમજ ભાભી સોફિયાએ પણ જ્યોર્જના સમર્થનમાં પોસ્ટ લખી હતી. તમને જણાવી દઇએ કે, પ્રિયંકાએ અમેરિકન સિંગર-એક્ટર નિક જોનાસ સાથે લગ્ન કર્યા છે.