Birthday Special / પ્રિયંકા ચોપડાએ 18 વર્ષ પહેલાં તમિલ ફિલ્મથી કરી હતી શરૂઆત, આવી દેખાતી હતી એક્ટ્રેસ

• પ્રિયંકા ચોપડા આજે 38મો જન્મદિવસ સેલિબ્રેટ કરી રહી છે
• 2002માં રિલીઝ થયેલી પ્રિયંકાની આ ફિલ્મનું નામ થામિજન હતું
• આ જ ફિલ્મમાં પહેલી વખત પ્રિયંકા સિલ્વર સ્ક્રીન પર જોવા મળી હતી

18 જુલાઈએ બિહારના જમશેદપુરમાં જન્મેલી પ્રિયંકાના માતા-પિતા સેનામાં ડોક્ટર હતા. શનિવારે પ્રિયંકા તેનો 38મો જન્મદિવસ સેલિબ્રેટ રહી રહી છે. તે આજે એક ઈન્ટરનેશનલ સ્ટાર બની ચૂકી છે, પણ તેની પહેલી ફિલ્મમાં પ્રિયંકા સાવ અલગ જ દેખાતી હતી. જેથી અમે ફેન્સને એક્ટ્રેસની શરૂઆતના સફરની તસવીરો બતાવી રહ્યાં છે. 

તમિલ ફિલ્મ થામિજન એક એક્શન ડ્રામ ફિલ્મ હતી. જેમાં તમિલ સુપરસ્ટાર વિજય લીડ રોલમાં હતો અને પ્રિયંકા પણ લીડ રોલમાં હતી. આ ફિલ્મથી જ પ્રિયંકાએ ડેબ્યૂ કર્યું હતું, જોકે, હિન્દી સિનેમામાં તેણે ધ હીરો ફિલ્મથી ડેબ્યૂ કર્યું હતું. 

પ્રિયંકા સિવાય બાકીની સ્ટાર કાસ્ટની વાત કરીએ તો થામિજનમાં રેવતી, નસાર અને આશીષ વિદ્યાર્થીએ મહત્વની ભૂમિકા ભજવી હતી. ડી ઈમાને આ ફિલ્મમાં સંગીત આપ્યું હતું. 

ફિલ્મની કહાનીની વાત કરીએ તો આ એક એવા વકીલની કહાની હતી જે કરપ્શન સામે કેસ લડે છે. ફિલ્મમાં લીડ હીરોનું નામ સૂર્યા હતું. 

ફિલ્મમાં પ્રિયંકા ચોપડાનું નામ પ્રિયા હતું અને તેના લુકની અત્યારે તુલના કરવામાં આવે તો તે ઘણું જ બદલાઈ ગયું છે. 

આ ફિલ્મ મજીથે ડિરેક્ટ કરી હતી. આ તેની પહેલી ફિલ્મ હતી અને પ્રોડ્યૂસર વેંકટેશ્વરને પણ પહેલીવાર કોઈ ફિલ્મ પ્રોડ્યૂસ કરી હતી.