બોલિવૂડ અને હોલિવૂડ એક્ટ્રેસ પ્રિયંકા ચોપડા પ્રોફેશનલ લાઈફની સાથે પર્સનલ લાઈફમાં પણ ધ્યાન આપે છે. હાલમાં જ તેણે ફેમિલી સાથે ન્યૂ યર સેલિબ્રેટ કર્યું હતું અને હવે તે પતિ નિક જોનસ સાથે ગોલ્ડન ગ્લોબ 2020 એવોર્ડ સેરેમની એટેન્ડ કરવા લોસ એન્જલસ પહોંચી હતી.
ગોલ્ડન ગ્લોબ 2020 એવોર્ડમાં પહોંચ્યા પ્રિયંકા અને નિક
રેડ કાર્પેટ પર પ્રિયંકા તથા નિકે સાથે પોઝ આપ્યો હતો. આ બંનેના ફોટોઝ અને વીડિયો સોશિયલ મીડિયા પર ખૂબ જ વાયરલ થઈ રહ્યા છે. આ એવોર્ડમાં પ્રિયંકાએ પિંક કલરનો ગાઉન પહેર્યો હતો અને તે ઘણી જ ગ્લેમરસ લાગી રહી હતી. જ્યારે નિકે બ્લેક બ્લેઝર અને પેન્ટ પહેરી હતી, તે પણ હેન્ડસમ લાગી રહ્યા હતો.
પ્રિયંકા અને નિક એવોર્ડમાં પહોંચ્યા તો બધાંનું ધ્યાન તેમની પર જ હતું. આ એવોર્ડમાં બંને લિપ લોક કરતાં જોવા મળ્યા હતા અને કિસ કરતી વખતે પ્રિયંકાની લિપ્સ્ટિક નિકના હોઠ પર લાગી ગઈ હતી, જેને પ્રિયંકા તેના હાથથી સાફ કરતાં જોવા મળી હતી.
પ્રિયંકા અને નિકનો આ વીડિયો ખૂબ જ ક્યૂટ છે અને ફેન્સને બહુ જ પસંદ આવી રહ્યો છે. આ પહેલાં ન્યૂ યર પર પણ બંનેનો લિપલોક કરતો વીડિયો ઘણો જ વાયરલ થયો હતો. હાલ પ્રિયંકા પતિ નિક સાથે મેરિડ લાઈફ ભરપૂર એન્જોય કરી રહી છે.