IPLIN
 

ગૌરવ / અમદાવાદનો પ્રિયાંક પંચાલ બન્યો ટીમ ઈન્ડિયા-Aનો કેપ્ટન: 15 વર્ષની ઉંમરે ગુમાવ્યા હતા પિતા, રણજીમાં રેકૉર્ડ એવો કે ફૅન થઈ જશો

Team VTV 02:16 PM, 10 Nov 21 | Updated: 02:18 PM, 10 Nov 21
Follow us
Priyank Panchal became the captain of Team India-A

સિનીયર સિલેક્શન સમિતિએ ભારતીય A ટીમ માટે પ્રિયાંક પંચાલને કેપ્ટન તરીકે સિલેક્ટ કર્યો છે. નવેમ્બર ડિસેમ્બરમાં સાઉથ આફ્રીકામાં આ મૅચ રમાશે. 

 

અમદાવાદમાં થયો જન્મ
પ્રિયાંક પંચાલનો જન્મ 9 એપ્રિલ 1990ના રોજ અમદાવાદમાં થયો હતો. તેના પિતાનું નામ કિરીટ ભાઇ છે અને તે 31 વર્ષનો છે. હાલમાં જ તેનું સિલેક્શન ઇન્ડિયા A ટીમ માટે કેપ્ટન તરીકે કરવામાં આવ્યું છે. ડાબોડી પ્લેયર ગુજરાત માટે રણજી ટ્રોફીમાં 1000 રન બનાવનાર પહેલો ખેલાડી બન્યો છે. તેના ફેવરિટ ક્રિકેટર રાહુલ દ્રવિડ અને જસપ્રીત બુમરાહ છે. 

 

 

પિતાનું સપનું
પ્રિયાંકે કહ્યું કે તેના પિતાનું સપનું હતું કે તે ક્રિકેટર બને. પિતાએ પણ કોલેજમાં ક્રિકેટ ખેલ પસંદ કર્યો હતો અને રમ્યા હતા. પ્રિયાંક માત્ર 15 વર્ષનો હતો ત્યારે પિતાનું નિધન થઇ ગયું હતું. ત્યાર બાદ માતા અને બહેને કામ કરવાનું શરૂ કર્યુ હતુ. 

 

 

રાહુલ દ્રવિડ છે પ્રેરણા
પ્રિયાંક પંચાલ રાહુલ દ્રવિડનો ખુબ મોટો ફેન છે. તે કહે છે કે જ્યારે પણ મારી પાસે સમય હોય છે ત્યારે હું ભારત vs ઇંગ્લેન્ડ 2011ની મૅચ જોઉ છુ. જેમાં દ્રવિડે એક જ ઇનિંગમાં 3 શતક બનાવ્યા હતા. 

ડેબ્યુ
27 ફેબ્રુઆરી 2008માં ગુજરાત ટીમમાંથી વિજય હજારે ટ્રોફી માટે રમ્યો હતો. જ્યાં મહારાષ્ટ્ર વિરુદ્ધ તેણે પોતાનું ડેબ્યુ કર્યુ હતુ. તેણે 115 બોલમાં 17 ચોગ્ગા અને 1 છગ્ગાની મદદથી 123 રન બનાવ્યા હતા. સૌરાષ્ટ્ર રણજી ટ્રોફીમાં પોતાનું ડેબ્યુ કર્યુ હતુ. 

 

 

2016માં પ્રિયાંક પ્રથમ શ્રેણી સ્તર પર 3 શતક બનાવનાર પહેલા ગુજરાતી ક્રિકેટર બન્યો હતો. તે 314 રન બનાવીને પણ નોટ આઉટ રહ્યો હતો. તે ઇનિંગમાં 460 બોલમાં 314 રન બનાવ્યા જેમાં 32 ચોગ્ગા પણ સામેલ હતા. 

ઇન્ટરનેશનલ ક્રિકેટ 
જાન્યુઆરી 2021માં ઇંગ્લેન્ડ વિરુદ્ધ ભારતની ટીમમાં પાંચ સ્ટેન્ડબાય ખેલાડીઓમાંથી એક પ્રિયાંક પણ હતો પરંતુ અનફોર્ચ્યુનેટલી તેને ભારતીય ટીમ માટે રમવાનો મોકો ન મળ્યો. 

 

 

પ્રિયાંકનો રેકોર્ડ
ફર્સ્ટ ક્લાસ : 98 મૅચ, 6891 રન, 45 ઔસત, 24 શતક, 24 અર્ધ શતક
લિસ્ટ A : 75 મૅચ, 2865 રન, 40 ઔસત, 5 શતક, 18 અર્ધશતક
ટી-20 : 43 મૅચ, 1073 રન, 27 ઔસત, 0 શતક, 6 અર્ધશતક

ભારતીય A ટીમ
પ્રિયાંક પંચાલ (કેપ્ટન), પૃથ્વી શૉ, અભિમન્યુ ઇશ્વરન, દેવદત્ત પડિક્કલ, સરફરાઝ ખાન, બાબા અપરાજીત, ઉપેન્દ્ર યાદવ, કૃષ્ણપ્પા ગૌતમ, રાહુલ ચાહર, સૌરભ કુમાર, નવદીપ સૈની, ઉમરાન મલિક, ઇશાન પોરેલ, અર્જન નાગવસવાલા
 

પ્રિયાંક પંચાલ Priyank Panchal india A team sports
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ