ગ્લોબલ એક્ટ્રેસ પ્રિયંકા ચોપડા ફરી એકવાર તેની ડ્રેસને લઈને ચર્ચામાં આવી ગઈ છે. પ્રિયંકાની ટાઈગર પ્રિંટની આ ડ્રેસની કિંમત તમારા હોશ ઉડાવી દેશે.
ફરી એક વાર પ્રિયંકા ચોપડા આવી ચર્ચામાં
સોશ્યલ મીડિયા પર તેની આ ડ્રેસ થઈ રહી છે વાયરલ
પ્રિયંકાની ડ્રેસની કિંમત જાણી માથું ચક્કર ખાઈ જશે
બોલિવૂડથી લઈને હોલિવૂડ સુધી સફળતાનો ડંકો વગાડનાર પ્રિયંકા ચોપડા હમેશાં ચર્ચામાં રહે છે. ત્યારે હાલમાં જ તેની એક તસવીરને લઈને ઘણી ચર્ચાઓ ચાલી રહી છે. હકીકતમાં પ્રિયંકાએ તેના ડોગ સાથે એક ફોટો સોશિયલ મીડિયા પર શેર કર્યો હતો, જેમાં બંનેએ ટાઇગર પ્રિન્ટ ડ્રેસ પહેર્યો હતો. પ્રિયંકા અત્યારે તેની ફિલ્મ ધ વ્હાઇટ ટાઇગરની સફળતાનો આનંદ માણી રહી છે. આ સિવાય પ્રિયંકા અત્યારે ઘણાં પ્રોજેક્ટ્સ પર પણ કામ કરી રહી છે, તેમ છતાં તે તેના સોશિયલ મીડિયા પર ખૂબ જ એક્ટિવ રહે છે. તે ફિલ્મ અને અંગત જીવનને લગતા તેના વીડિયો શેર કરતી રહે છે.
પ્રિયંકાએ વ્હાઇટ સ્ટ્રાઈપવાળી ટાઇગર જેવી દેખાતી ડ્રેસ પહેરીને ઈન્સ્ટાગ્રામ પર તસવીર શેર કરી છે. સાથે જ કેપ્શન પણ લખ્યું છે કે વ્હાઇટ ટાઇગર અને તેનું બાળક. સાથે જ ફિલ્મ ધ વ્હાઇટ ટાઇગરને ટેગ કરી છે. પ્રિયંકાએ હાઈનેક લોન્ગ ડ્રેસની સાથે બ્લેક ચશ્મા પહેર્યા છે અને કાનમાં મોટી ઈયરિંગ્સ પહેરી છે. આ ફોટામાં પ્રિયંકા ખૂબ જ સુંદર દેખાઈ રહી છે. પરંતુ આ ડ્રેસની કિંમત સાંભળીને તમારા હોશ ઉડી જશે. મીડિયા રિપોર્ટ્સ અનુસાર આ ડ્રેસની કિંમત 2600 ડોલર છે, જે લગભગ ભારતીય રૂપિયા પ્રમાણે 1 લાખ 89 હજાર 872 રૂપિયા થાય છે.
પ્રિયંકાની ફિલ્મ ધ વ્હાઇટ ટાઇગર 13 જાન્યુઆરીએ નેટફ્લિક્સ પર રિલીઝ થઈ હતી. આ ફિલ્મ દર્શકોને ખૂબ પસંદ આવી રહી છે. આ ફિલ્મમાં પ્રિયંકા ચોપરાને શ્રેષ્ઠ એક્ટિંગ માટે ગોલ્ડ હાઉસ એવોર્ડ્સની બેસ્ટ સપોર્ટિંગ અભિનેત્રી કેટેગરીમાં નોમિનેટ કરવામાં આવી છે. આ ફિલ્મમાં રાજકુમાર રાવ અને આદર્શ ગૌરવ તેના કો-સ્ટાર છે. તેમને બેસ્ટ સપોર્ટિંગ એક્ટર અને બેસ્ટ એક્ટર કેટેગરીમાં નોમિનેશન મળ્યું છે. તમને જણાવી દઈએ કે, આ દિવસોમાં પ્રિયંકા ઘણા આંતરરાષ્ટ્રીય પ્રોજેક્ટ્સમાં વ્યસ્ત છે. તેની પાસે 'મેટ્રિક્સ 4' અને 'ટેક્સ્ટ ફોર યુ' જેવી ફિલ્મો છે. થોડાં દિવસો પહેલાં પ્રિયંકાના પતિ નિક જોનાસે કહ્યું હતું કે તેમને આશા છે કે પ્રિયંકા ઓસ્કર જીતનાર પ્રથમ જોનાસ હશે.