ક્રિકેટ / અંડર-19 વર્લ્ડ કપ માટે ભારતીય ટીમની જાહેરાત, આફ્રિકામાં આ 15 ખેલાડી દેખાડશે દમ

• અંડર-19 વર્લ્ડ કપ માટે ટીમ ઈન્ડિયાના આ ખેલાડી જોવા મળશે
• 17 જાન્યુઆરીથી 9 ફેબ્રુઆરી 2020 સુધી રમાશે વર્લ્ડ કપ
• આ ટીમનું નેતૃત્વ મેરઠમાં જન્મેલા પ્રિયમ ગર્ગ કરશે

ભારતીય ટીમને ગ્રુપ-એમાં મુકવામાં આવી છે, જેમાં પ્રથમ વખત ક્વોલિફાય કરનારી જાપાની ટીમ ઉપરાંત ન્યૂઝીલેન્ડ અને શ્રીલંકાની ટીમો હશે. દરેક ગ્રુપની ટોચની બે ટીમો સુપર લીગ માટે ક્વોલિફાય થશે.

અંડર-19 વર્લ્ડ કપમાં ભારત અત્યાર સુધી 4 વાર ખિતાબ જીતવામાં સફળ રહ્યું છે. ટીમ ઇન્ડિયાએ 2018માં અગાઉનું અંડર-19 વર્લ્ડ કપ પણ જીત્યું હતું. ત્યારબાદ ફાઈનલમાં ઓસ્ટ્રેલિયાને 8 વિકેટથી હરાવ્યા હતા અને સમગ્ર ટૂર્નામેન્ટમાં સફળ રહ્યા હતા.

કેપ્ટન પ્રિયમ ગર્ગના નામે રહી આ ઉપલબ્ધિ

ટોપ ઓર્ડરના 19 વર્ષના જમણેરી બેટ્સમેન પ્રિયમ ગર્ગ પ્રથમ કક્ષાની મેચમાં ડબલ સેન્ચુરી તેમજ એક સેન્ચુરી મારી ચુક્યા છે. તે ભારત-સી ટીમનો ભાગ હતો. સાથે જ તે દેવધન ટ્રોફીમાં રનર અપ રહ્યો હતો. તેણે ગયા મહિને ઈન્ડિયા-બી સામે ફાઈનલમાં 74 રન બનાવ્યા હતા. 

વર્લ્ડ કપ માટે ભારતની અંડર-19 ટીમ

યશસ્વી જયસ્વાલ (મુંબઈ), તિલક વર્મા (હૈદરાબાદ), દિવ્યાંશ સક્સેના (મુંબઈ), પ્રિયમ ગર્ગ (કેપ્ટન-યૂપી), ધ્રુવ ચંદ જુરેલ (ઉપ-કપ્તાન અને વિકેટ કીપર, યૂપી), શાશ્વત રાવત (બરોડા), દિવ્યાંશ જોશી (મિઝોરમ), શુભંગ હેગડે (કર્નાટક), રવિ બિશ્નોઈ (રાજસ્થાન), આકાશ સિંહ (રાજસ્થાન), કાર્તિક ત્યાગી (યૂપી), અથર્વ અંકોલેકર (મુંબઈ), કુમાર કુશાગ્ર (વિકેટકીપર-ઝારખંડ), સુશાંત મિશ્રા (ઝારખંડ), વિદ્યાધર પાટીલ (કર્નાટક).

વિશ્વ કપથી પહેલા અંડર-19 ભારતીય ટીમમાં દક્ષિણ અફ્રિકાની અન્ડર-19 સામે ત્રણ દિવસની મેચ માટે દક્ષિણ આફ્રિકાની યાત્રા કરશે. ત્યારબાદ દક્ષિણ અફ્રીકા અંડર-19, ભારત અંડર-19, ઝિમ્બાબ્વે અન્ડર-19 અને ન્યૂઝીલેન્ડની અંડર-19 વચ્ચેની ક્વૉડ્રિલેટરલ (ચતુર્ભુજ) સીરિઝ થશે. 

દક્ષિણ આફ્રિકાના પ્રવાસ માટે ભારતની અંડર-19 ટીમ

યશસ્વી જયસ્વાલ (મુંબઈ), તિલક વર્મા (હૈદરાબાદ), દિવ્યાંશ સક્સેના (મુંબઈ), પ્રિયમ ગર્ગ (કેપ્ટન-યૂપી), ધ્રુવ ચંદ જુરેલ (ઉપ-કપ્તાન અને વિકેટ કીપર, યૂપી), શાશ્વત રાવત (બરોડા), દિવ્યાંશ જોશી (મિઝોરમ), શુભંગ હેગડે (કર્નાટક), રવિ બિશ્નોઈ (રાજસ્થાન), આકાશ સિંહ (રાજસ્થાન), કાર્તિક ત્યાગી (યૂપી), અથર્વ અંકોલેકર (મુંબઈ), કુમાર કુશાગ્ર (વિકેટકીપર-ઝારખંડ), સુશાંત મિશ્રા (ઝારખંડ), વિદ્યાધર પાટીલ (કર્નાટક), સીટીએલ રક્ષણ (હૈદરાબાદ)