પોતાની ડેબ્યૂ રિલીઝ પહેલા જ પ્રિયા પ્રકાશ ઇન્ટરનેટ સ્ટાર બની ગઇ છે. પ્રિયા પ્રકાશની પહેલી ફિલ્મ 'ઓરૂ અદાર લવ' 14 ફેબ્રુઆરીના રિલીઝ થવાની છે. જ્યાં ફિલ્મને રિલીઝ થવામાં માત્ર 7 દિવસ બાકી છે ત્યારે આ વચ્ચે ફિલ્મનો એક કિસિંગ સીનનો વીડિયો ઇન્ટરનેટ પર વાયરલ થઇ રહ્યો છે. થોડી જ સેકન્ડની આ વીડિયો ક્લિપમાં પ્રિયા પ્રકાશ અને ફિલ્મ કૉ-સ્ટાર રોશન અબ્દુલ રઉફ કિસ કરતા જોવા મળી રહ્યા છે.
પ્રિયા પ્રકાશ વારિયરને ગત વર્ષે એક વીડિયો સોશ્યલ મીડિયા પર વાયરલ થયો હતો જેમાં તે આંખથી શૂટ કરતી જોવા મળી હતી. આ વીડિયો આ જ ફિલ્મના એક સીનનો હતો. આ વીડિયો વાયરલ થતા જ પ્રિયા પ્રકાશ વારિયર રાતોરાત સુપરસ્ટાર બની ગઇ હતી. જોકે એક વર્ષ પછી પણ પ્રિયા પ્રકાશ વારિયર જ્યારે કોઇ ઇવેન્ટમાં પોતાનો સિગ્નેચર મૂવ કરતી જોવા મળે તો લોકો ઘાયલ થઇ જાય છે. એક ઇન્ટરવ્યૂ દરમિયાન પ્રિયાએ કહ્યુ હતુ કે ''હું ખૂબ જ ખુશ છું પણ હું જાણી નથી શકતી કે આટલો બધો પ્રેમ કઇ રીતે હેન્ડલ કરું જે સંપૂર્ણ રીતે વાસ્તવિક છે.''
તમને જણાવી દઇએ કે પ્રિયા પ્રકાશ વારિયર મલયાલમ ફિલ્મ 'ઓરૂ અદાર લવ' થી એક્ટિંગમાં ડેબ્યૂ કરવા જઇ રહી છે. ફિલ્મ હાઇસ્કૂલના સ્ટૂડેન્ટ્સની લાઇફ પર બનાવવામાં આવી છે. ફિલ્મનું ડિરેક્શન ઓમર લુલુએ કર્યુ છે તો પ્રિયા પ્રકાશ વારિયર પોતાની અપકમિંગ ફિલ્મ 'શ્રીદેવી બંગલો' ને લઇને પણ ચર્ચામાં છે. ઉલ્લેખનીય છે કે આ ફિલ્મ શ્રીદેવીની જિંદગી પર આધારિત છે અને ફિલ્મની સ્ટોરી અને ટાઇટલને લઇને શ્રીદેવીના પતિ બોની કપૂરે ફિલ્મના મેકર્સને નોટિસ પણ મોકલી હતી.