તારક મહેતા કા ઉલ્ટા ચશ્મા ટીવીના ફેવરિટ શૉમાંથી એક છે. આ શૉના દરેક પાત્રને ખુબ જ પસંદ કરવામાં આવે છે. 12 વર્ષથી પણ વધારે સમયથી આ કોમેડી શૉ લોકોનુ મનોરંજન કરી રહ્યું છે ત્યારે ફેન્સ હંમેશા પોતાના ફેવરિટ સ્ટાર વિશે જાણવાનો પ્રયત્ન કરતા હોય છે. તેમની પર્સનલ લાઇફ શું છે, તેમને કેટલી ફીસ મળે છે આ બધા બાબતો જાણવામાં પણ લોકોને રસ હોય છે. શૉમાં દયાબેન, જેઠાલાલ, તારક તો પોપ્યુલર છે જ પરંતુ સાથે અન્ય કલાકારોને પણ લોકો ખુબ પસંદ કરે છે.
તારક મહેતા..ના ચીફ એડિટર સાથે કર્યા લગ્ન
રિટા રીપોર્ટર છે માલવ રાજદાની પત્ની
એક્ટર અને ડિરેક્ટરે કર્યા લગ્ન
શૉમાં એક કેરેક્ટર છે રિટો રિપોર્ટર, જેનું પાત્ર પ્રિયા આહુજા પ્લે કરે છે. જેણે શૉના ચીફ ડાયરેક્ટર સાથે જ લગ્ન કરી લીધા છે અને હાલમાં જ તેણે એક દીકરાને જન્મ આપ્યો છે.
ચીફ ડિરેક્ટર સાથે કર્યા લગ્ન
રિપોર્ટ અનુસાર, માલવ રાજદા હંમેશા કેમેરા પાછળ રહેનાર વ્યક્તિ છે. માટે તેમને ઓછા લોકો ઓળખે છે. તે સિરીયલમાં રીટાનું પાત્ર ભજવનાર પ્રિયાના પતિ છે. માલવ અવાર નવાર તેની પત્નીને લઇને તસવીરો પોસ્ટ કરતા રહે છે. બંને વચ્ચે બહુ જ સારો બોન્ડ છે અને એકબીજાને ખૂબ પ્રેમ કરે છે.
લવ એટ ફર્સ્ટ સાઇટ
સૂત્રોનું જો માનીએ તો, માલવે પ્રિયાને તારક મહેતાના સેટ પર જ પહેલી વાર જોઇ હતી. ત્યારથી જ તેમને પ્રિયા ગમવા લાગી હતી. માલવ શૉનું ડિરેક્શન કરતા હતા જ્યારે પ્રિયા શૉમાં એક્ટિંગ કરતી હતી. પ્રિયા પહેલા માલવને સહેજ પણ ભાવ નહોતી આપતી પરંતુ બાદમાં તેમની મિત્રતા થઇ અને એકબીજા પ્રત્યે ફીલીંગ આવવા લાગી. બંને પરિવારની મંજૂરીથી 19 નવેમ્બર 2011ના રોજ માલવ અને પ્રિયાના લગ્ન થઇ ગયા. લગ્નના આઠ વર્ષ બાદ માલવ અને પ્રિયાને એક બાળક છે.,
તમને જણાવી દઇએ કે, પ્રિયા તારક મહેતા શૉ સિવાય, ઝારા, શુભવિવાહ, છજ્જે કા પ્યાર, સાવધાન ઇન્ડિયા અને બિટ્ટો જેવી સિરીયલમાં કામ કરી ચૂકી છે. તારક મહેતા...બાદ તો તે ઘણી ઓછી જોવા મળે છે.