બેદરકારી / વાઘ પર હાથ ફેરવવો ભારે પડ્યો, અચાનક હાથ પકડી લીધો, પછી આવ્યું કરૂણ પરિણામ

• વ્યક્તિને વાઘ પાસે પાસે જવું ભારે પડ્યું 
• વ્યક્તિનો હાથ જબડામાં દબોચી લીધો 
• ડોક્ટરે હાથ કાપવા માટે કહ્યું    

વાઘ પિંજરામાં બંધ હતો
વાઘની સંભાળ કરનાર વ્યક્તિને પ્રાણી પર પ્રેમ દેખાડવો ભારે પડી ગયો. આ વ્યક્તિ પાંજરામાં પૂરાયેલા વાઘ પર હાથ ફેરવી રહ્યો હતો. આ દરમિયાન વાઘે તે વ્યક્તિ ઉપર હુમલો કર્યો હતો. આ વ્યક્તિ ખરાબ રીતે ઘાયલ થયો હતો અને તેણે હોસ્પિટલમાં પોતાનો જીવ ગુમાવ્યો હતો.

વાઘ પાસે જતા ગુમાવવો પડ્યો જીવ 
આ મામલો મેક્સિકોના પેરીબાનનો છે. અહીં ઝૂની દેખરેખ કરતા એક વ્યક્તિએ વાઘને તારની ફેંસ પાસે બોલાવીને તેને ખવડાવવા માટે બોલાવ્યો હતો. વાઘ ખુબ  નજીક આવી ગયો. આ પછી, તે વાઘના માથા પર હાથ ફેરવવાનું શરૂ કર્યું. પણ વાઘનો મિજાજ બદલાઈ ગયો. જે બાદ તેણે તે વ્યક્તિના જમણા હાથમાં પોતાના પંજા લગાવી દીધા. તેનું નામ જોસ ડી જીઝસ  છે. તે 23 વર્ષનો હતો. જોસ વાઘના હુમલાથી પીડાથી તડપી રહ્યો હતો. વાઘે તેનો હાથ ખેંચ્યો અને તેને તેના જડબામાં દબાવી દીધો. પછી તેણે અણીદાર દાંતથી હુમલો કર્યો. પછી તો આ માણસના હાથમાંથી લોહીની નદીઓ વહેતી થઇ ગઈ.

હાર્ટ એટેક આવતા મૃત્યુ 
જોસને આનંદ ફાનનની હોસ્પિટલમાં લઈ જવામાં આવ્યો હતો, પરંતુ ત્યાં તેણે પોતાનો ઘાયલ હાથ કાપવાની ના પાડી દીધી હતી. સ્થાનિક મીડિયાને ડોક્ટરોએ જણાવ્યું હતું કે આને કારણે જટિલ પરિસ્થિતિ સર્જાઈ હતી અને જોસ કે જે ડાયાબિટીસનો દર્દી છે, તેને હાર્ટ એટેક આવ્યો હતો. પછી તે મૃત્યુ પામ્યો હતો. 

જાનવર રાખવાની પરમીટ હતી
જાનવરના માલિક દ્વારા આ ઘટનાનો વીડિયો જાહેર કરવામાં આવ્યો છે. તે ઘણા પ્રાણીઓને ખાનગી પ્રાણી સંગ્રહાલયમાં રાખે છે. આ મામલે ઝૂના માલિકે જોસ પર બેદરકારીનો આરોપ લગાવ્યો છે. વાઘના માલિકે કહ્યું કે તેણે જોસના તબીબી બીલ ચૂકવ્યા હતા. તેણે એમ પણ કહ્યું હતું કે તેની પાસે પ્રાણી સંગ્રહાલય માટેની બધી પરમિટ છે.સ્થાનિક મીડિયાના અહેવાલ મુજબ હવે એ વાતની તપાસ કરવામાં આવી રહી છે કે, તેના માલિક પાસે વાઘને રાખવાની પરવાનગી હતી કે નહીં. રિપોર્ટમાં કહેવામાં આવ્યું છે કે તે પ્રાણી સંગ્રહાલયમાં એક સિંહ અને મગર પણ છે.