ખાનગીકરણ / આ વર્ષથી સરકારી પાટા પર ૧૫૧ ખાનગી ટ્રેનો દોડશે, સામાન્ય માણસની જીવાદોરી પાટેથી ઉતરશે!

• પીપીપી મોડલ પર 5 ટકા ટ્રેનોનું ખાનગીકરણ કરવાની  છે
•  95 ટકા ટ્રેનો રેલવે દ્વારા ચલાવવામાં આવશે
• 2021 સુધીમાં ટેન્ડરો ફાઈનલ કરી દેવામાં આવશે

રેલવેની યોજના પીપીપી મોડલ પર 5 ટકા ટ્રેનોનું ખાનગીકરણ કરવાની  છે. ત્યારે 95 ટકા ટ્રેનો રેલવે દ્વારા ચલાવવામાં આવશે. માર્ચ 2021 સુધીમાં ટેન્ડરો ફાઈનલ કરી દેવામાં આવશે. 8 સપ્ટેમ્બર સુધીમાં તમામ અરજીઓ કરી શકે. એ બાદ 8 નવેમ્બર સુધીમાં કંપનીઓને શોર્ટ લિસ્ટ કરવામાં આવશે. આ કંપનીઓ હરાજીમાં ભાગ લેશે. આ પ્રોજેક્ટમાં લગભગ 30 હજાર કરોડનું ખાનગી રોકાણ કરી શકે છે. રેલવે પીપીપી મોડલ પર 5 ટકા ટ્રેનોનું ખાનગીકરણ કરવાની યોજના ધરાવે છે. માર્ચ 2021 સુધીમાં ટેન્ડરોને અંતિમ રુપ આપવામાં આવશે.

પહેલા નાણાકીય વર્ષ 2023માં 12 ખાનગી ટ્રેનો શરૂ થશે. એ બાદનાણાકીય વર્ષ 2023-24માં 45 ટ્રેનો જેને વધારવામાં પણ આવશે. વર્ષ 2025-26માં  વધુ 50  ત્યાર બાદના વર્ષમાં 44 વધુ ટ્રેનો વધારવામાં આવશે.  વર્ષ 2026-27 સુધીમાં કુલ 151 ખાનગી ટ્રેનો પાટા પર ચઢી જશે. 

સ્પીડ
દરેક ટ્રેનમાં ઓછામાં ઓછા 16 કોચ હશે. આ ટ્રેનો 160 કિમી પ્રતિ કલાકની સ્પીડે દોડશે. આ ટ્રેનોનો રોલિંગ સ્ટોક ખાનગી કંપની દ્વારા ખરીદવામાં આવશે. તેમજ મેન્ટેનન્સ પણ કંપનીએ કરવાનું રહેશે. મેક ઇન ઇન્ડિયા અભિયાન હેઠળ મોટાભાગની ટ્રેનો ભારતમાં તૈયાર થશે. ટ્રેનોના ધિરાણ, ખરીદી, સંચાલન અને જાળવણીની જવાબદારી ખાનગી કંપનીની રહેશે.

ભાડુ

રેલવેના જણાવ્યા અનુસાર આ ટ્રેનોનું ભાડું  ખાનગી કંપની દ્વારા નક્કી કરવામાં આવશે. ટ્રેનનું ભાડું એસી બસ અને વિમાનના ભાડાને ધ્યાનમાં રાખીને નક્કી કરાશે. ઈન્ડિયન રેલવે પ્રાઈવેટ ટ્રેનો માટે માત્ર ડ્રાઇવરો અને ગાર્ડની સુવિધા પુરી પાડશે. 

ખાનગીકરણ કરાયેલી ટ્રેનો સમયનું પાલન કરવા, વિશ્વસનીયતા, ગાડીઓના મેન્ટેનન્સમાં તેમજ અન્ય બાબતોમાં નિષ્ફળ નિવડશે તો તેને દંડ ભરવો પડશે.