યુરોપના કોસોવામાં એક 67 વર્ષીય વ્યક્તિ જ્યારે હર્નિયાનું ઓપરેશન કરાવવા ગયો ત્યારે તેના શરીરમાં મહિલાના પ્રાઈવેટ પાર્ટ નીકળતા હતા.
યુરોપના કોસોવાની ઘટના
67 વર્ષીય વ્યક્તિમાં મળ્યા મહિલાના પ્રાઈવેટ પાર્ટ
હર્નિયાનું ઓપરેશન કરાવવા પહોંચ્યો ત્યારે જાણ થઈ
આખરે ડોક્ટરોએ ઓપરેશન કરીને દૂર કર્યાં
કુદરત ક્યારે કોઈ વ્યક્તિ સાથે મોટો ખેલ ખેલી નાખતી હોય છે. ક્યારે ન બનવાનું બનતું હોય છે.આવા જ એક કિસ્સામાં એક પુરુષના શરીરમાં મહિલાના પ્રાઈવેટ પાર્ટ્સ મળતા ડોક્ટરો અને વૈજ્ઞાનિકો હેરાન થયા છે. તમારુ કોઈ ઓપરેશન થવાનું હોય અને ડોક્ટર તમને કહે કે તમારા શરીરમાં સ્ત્રીના પ્રાઈવેટ પાર્ટ વિકસીત થયું છે ત્યારે તમારી કેવી હાલત થાય. આવી જ એક ઘટના બની છે.
પુરુષના શરીરમાં શું જોવા મળ્યું
યુરોપના કોસોવામાં ડોક્ટરોએ જ્યારે એક 67 વર્ષીય વ્યક્તિનું હર્નિયાનું ઓપરેશન કરવા લાગ્યા ત્યારે તેના શરીરમાં યોની, ગર્ભાશય, સર્વિક્સ (સર્વિક્સ), ફેલોપિયન ટ્યુબ અને અંડાશય જોઈને ભારે આઘાત પામ્યા હતા. પુરુષના શરીરમાં મહિલાના પ્રાઈવેટ પાર્ટ જોઈને ડોક્ટરો રીતસરના આઘાત પામ્યા હતા અને જોતા જ રહી ગયા, આવું કેમ થયું તેના વિચાર આવ્યા કરતા હતા. આખરે ડોક્ટરોએ સૌથી પહેલા હર્નિયાનું ઓપરેશન કરી નાખ્યું અને ત્યાર બાદ મહિલાના પ્રાઈવેટ પાર્ટને પણ ઓપરેશન દ્વારા બહાર કાઢવા પડ્યાં હતા.
વ્યક્તિ ખાંસી ખાય અથવા તો ઊભો હોય ત્યારે ભેદી ગઠ્ઠો દેખાતો હતો
આ પુરુષમાં સ્ત્રી જનનાંગો હોવાનું નિદાન થયું હતું. આ ઉપરાંત અંડકોષ પણ ગુમ થયાની જાણ થઇ હતી. ખાંસી આવે કે ઊભા થાય ત્યારે જ માણસનો ભેદી ગઠ્ઠો દેખાતો હતો, પરંતુ જ્યારે તે સૂતો હતો ત્યારે આ ગઠ્ઠો જરાય દેખાતો ન હતો.
કેમ થઈ આવી આ તકલીફ
આ શખ્સને જે તકલીફ થઈ તેને મેડિકલ ભાષામાં PMDS કહેવાય છે. આ ઘણી અસાધારણ સ્થિતિ છે જેમાં પુરુષના શરીરમાં મહિલાના યૌન અંગ વિકસીત થતા હોય છે અત્યાર સુધીમાં વર્લ્ડમાં આવા 200 કિસ્સા નોંધાયેલા છે.
ઓપરેશન કરીને ડોક્ટરોએ પ્રાઈવેટ પાર્ટ્સ દૂર કર્યાં
શખ્સના શરીરમાં સ્ત્રીના પ્રાઈવેટ અંગો જોવા મળતા ડોક્ટરો પણ હેરાન થયા હતા આખરે ડોક્ટરોએ તેનું ઓપરેશન કરીને દૂર કરી નાખ્યાં હતા. જોકે ભવિષ્યમાં ફરી પાછા આવા અંગો વિકસીત કે નહીં તે અંગે ડોક્ટરો ચોક્કસ કંઈ કહી શક્યા નથી. યુરોલોજી જર્નલમાં પ્રિષ્ટિના યુનિવર્સિટી દ્વારા આ સંબંધમાં એક કેસ રિપોર્ટ પ્રકાશિત કરવામાં આવ્યો છે. તે જ સમયે, યુએસ નેશનલ લાઇબ્રેરી ઑફ મેડિસિન (NIH) એ જણાવ્યું હતું કે જ્યારે આ સિન્ડ્રોમની ઓળખની વાત આવે છે, ત્યારે અનડેસેન્ડેડ ટેસ્ટીસ અથવા સોફ્ટ ઇન્ગ્યુનલ હર્નિઆસ આ સિન્ડ્રોમનું મુખ્ય લક્ષણ છે. આ ત્યારે થાય છે જ્યારે મુલેરિયન ડક્ટ ફાટતું નથી, જે સામાન્ય રીતે પુરુષના શારીરિક વિકાસમાં થાય છે. બાય ધ વે, આ સમસ્યા વિશે માહિતી ત્યારે જ મળે છે જ્યારે કોઈની સર્જરી થવાની હોય.