રણજી ટ્રોફી / પૃથ્વી શૉએ દિલ જીતી લીધા: ચાલુ મેચમાં આવ્યો વરસાદ તો પોતે કર્યું કામ, તસવીરો થઈ વાયરલ

• રણજી ટ્રોફીની ફાઈનલ મેચમાં વરસાદે ભંગ પાડ્યો 
• મુંબઈના કેપ્ટન પૃથ્વી શૉએ મેદાનના કર્મચારીઓને કરી મદદ
• કર્મચારીઓ સાથે પોતે પણ કવર ખેંચવા લાગ્યા

મુંબઈના કેપ્ટન પૃથ્વી શૉએ મેદાન કર્મીઓની કરી મદદ

રણજી ટ્રોફીની ફાઈનલ મેચ મુંબઈ અને મધ્ય પ્રદેશની વચ્ચે રમાઈ રહી છે. આ મેચમાં મુંબઈની ટીમ પાછળ છે અને મધ્ય પ્રદેશ જીત નજીક છે, પરંતુ મુંબઈના કેપ્ટન પૃથ્વી શૉએ બધાનુ દિલ જીતી લીધુ છે. મેચના ચોથા દિવસે શોએ મેદાન કર્મીઓની મદદ કરીને દરેક ક્રિકેટ પ્રેમીઓનુ દિલ જીતી લીધુ અને મેદાનમાં બેઠેલા દર્શકોએ પૃથ્વી શૉ માટે તાળી પણ પાડી. 

પૃથ્વી શૉ મેદાન કર્મીઓ સાથે કવર ખેંચી રહ્યાં છે

મેચના ચોથા દિવસે વરસાદના કારણે ખેલને અટકાવવો પડ્યો હતો. એવામાં મેદાન કર્મચારી પિચને ભીની થતી બચાવવા માટે કવર લઇને આવી રહ્યાં હતા. આ દરમ્યાન પૃથ્વી શૉ પણ મેદાનના કર્મચારીઓની મદદ કરવામાં જોડાઈ ગયા. તેમને કવર ખેંચવામાં મદદ કરી. જેને જોઇને સ્ટેડિયમમાં રહેલા ક્રિકેટ પ્રેમીઓ તાળી પાડવા લાગ્યા. હવે શૉ કવર ખેંચી રહ્યો છે તેની તસ્વીર સોશિયલ મીડિયામાં વાયરલ થઇ રહી છે. 

ફાઈનલ મેચમાં મોટી ઈનિંગ રમી ના શક્યા પૃથ્વી શૉ

ફાઈનલ મેચમાં પૃથ્વી શૉએ સારી બેટીંગ કરી અને બંને ઈનિંગમાં તેમને સારી શરૂઆત પણ મળી. પરંતુ તેઓ આ ઈનિંગને મોટી ઈનિંગમાં ના બદલી શક્યા. પહેલી ઈનિંગમાં તેમણે 47 રન બનાવ્યાં. જ્યારે બીજી ઈનિંગમાં તેમણે બેટીંગથી 44 રન બનાવ્યાં. જો કે, પહેલી ઈનિંગમાં સરફરાજ ખાને સદી બનાવીને મુંબઈને મોટા સ્કોર સુધી પહોંચાડ્યુ હતુ. મુંબઈએ પ્રથમ બેટીંગ કરી 374 રન બનાવ્યાં હતા. જેના જવાબમાં મધ્ય પ્રદેશે 536 રનનો મોટો સ્કોર ઉભો કર્યો. મધ્ય પ્રદેશ માટે યશ દુબેએ 133, શુભમ શર્માએ 116 અને રજત પાટીદારે 122 રન બનાવ્યાં. અંતમાં સારાંશ જૈને પણ 57 રનની મહત્વપૂર્ણ ઈનિંગ રમી.