પૃથ્વી શૉ અને કેટલાક લોકો વચ્ચે મુંબઈમાં મારામારીનો મામલો સામે આવ્યો છે જેનાં કેટલાક વીડિયો સોશિયલ મીડિયા પર વાયરલ થઈ રહ્યાં છે.
પૃથ્વી શૉની સાથે સેલ્ફીનાં મામલામાં બબાલ
કેટલાક લોકો સાથે મારામારી કર્યાનું આવ્યું સામે
વીડિયો સોશિયલ મીડિયા પર વાયરલ
યુવતી સપના ગીલની પોલીસે કરી ધરપકડ
ભારતીય ક્રિકેટર પૃથ્વી શૉ ફરી એકવાર ચર્ચામાં આવ્યાં છે. મુંબઈમાં પૃથ્વી શૉ અને એક યુવતીની વચ્ચે મારામારીનો વીડિયો હાલમાં સોશિયલ મીડિયા પર વાયરલ થઈ રહ્યો છે. મામલો એવો છે કે પૃથ્વી શૉની કાર પર 2 લોકોએ હુમલો કર્યો હતો જે મુદે વિવાદ સર્જાયો હતો. ત્યારે પૃથ્વી શૉ તરફથી કહેવામાં આવી રહ્યું છે કે તેમના અને તેમના મિત્રો પર કેટલાક લોકોએ બેઝબોલનાં બેટથી હુમલો કર્યો હતો.
યુવતીની કરી ધરપકડ, બેઝબોલનાં બેટથી કર્યો હુમલો
ભારતીય ક્રિકેટર પૃથ્વી શૉની સાથે એક યુવતી જ્યારે સેલ્ફી લેવા આવી ત્યારે બંને વચ્ચે મારામારી શરૂ થઈ. આ સમગ્ર મામલો જોગેશ્વરી લિંક રોડ લોટસનાં પેટ્રોલ પંપ પાસેનો છે. પૃથ્વી શૉનાં મિત્રએ જણાવ્યું કે 'પૃથ્વી હોટલથી કોઈ બીજાની ગાડીમાં બેસીને રવાના થયાં હતાં, ગાડીનો કાચ તૂટ્યાં બાદ અમે જોયું તો સફેદ રંગની કાર અને 3 બાઈક અમારી પાછળ આવી રહી છે. ' આ સમગ્ર મામલામાં યુવતી સપનાં ગીલની પોલીસે ધરપકડ કરી છે.
સમગ્ર ઘટના:
પૃથ્વી શૉ પોતાના મિત્રોની સાથે હોટલમાં જમવા આવ્યાં હતાં તે દરમિયાન કેટલાક ફેન્સ તેમની પાસે સેલ્ફી લેવા આવ્યાં અને પૃથ્વીએ તેમની સાથે સેલ્ફી લીધી પણ ખરી! ત્યારબાદ ફરીથી તે જ ગ્રુપ પાછું આવ્યું અને ફરી એકવાર સેલ્ફી લેવા માટે કહ્યું ત્યારે પૃથ્વીએ ના પાડતાં કહ્યું કે તે મિત્રો સાથે જમવા આવ્યા છે અને તેઓ તેમને હેરાન કરવા નથી ઈચ્છતાં.. પરંતુ ગ્રુપ વધુ આગ્રહ કરવા લાગ્યું તેથી મિત્રએ મેનેજરને ફોન કરીને તેમને હોટલ બહાર કઢાવ્યાં જેના કારણે તે ગ્રુપ બહાર પૃથ્વી શૉની રાહ જોવા લાગ્યાં.
હોટલની બહાર નિકળતાં જ કાર પર હુમલો
બહાર નિકળતાની સાથે જ તે લોકોએ બેઝબોલનાં બેટથી પૃથ્વી શૉનાં મિત્રની ગાડીનો કાચ તોડ્યો. તે સમયે પૃથ્વી શૉ કારમાં જ બેઠેલ હતાં. પૃથ્વી શૉ વિવાદ નહોતાં ઈચ્છતાં તેથી તેમને બીજી કારથી મોકલવામાં આવ્યું . શૉનાં મિત્રની કારને જોગેશ્વરી પેટ્રોલ પંપ પાસે રોક્યું ત્યારે મહિલા આવીને કહેવા લાગી કે આ મામલામાં સુલેહ કરવી હોય તો 50000 રૂપિયા આપવા પડશે નહીંતર તે ખોટા આરોપો લગાવશે...