IND vs NZ / ટેસ્ટ ટીમની જાહેરાતઃ આ દિગ્ગજ ખેલાડી બહાર, પૃથ્વી શૉ અને મયંકની એન્ટ્રી

મંગળવારે એટલે કે આજે બીસીસીઆઇએ ન્યૂઝીલેન્ડ વિરુદ્ઘ રમાવવામાં આવનારી 2 ટેસ્ટ મેચ માટે ટીમની જાહેરાત કરી છે. આ સીરિઝમાંથી ઑપનર રોહિત શર્મા બહાર થઇ ગયો છે જેની જગ્યાએ મયંક અગ્રવાલને ચાન્સ મળ્યો છે. 

રોહિત અંતિમ T-20માં ઇજાગ્રસ્ત થયો

રોહિતને કિવિઝ સામેની અંતિમ T-20માં રવિવારે માઉન્ટ મોનગાનુઈ ખાતે કાફ (પગના સ્નાયુ) ઇન્જરી થઇ હતી. તેણે કરિયરની 21મી ફિફટી મારી હતી, પરંતુ ઇજાના લીધે દોડવામાં તકલીફ પડતી હોવાથી 60 રને રિટાયર્ડ હર્ટ થયો હતો. BCCIના એક અધિકારીએ ન્યુઝ એજેન્સીને કહ્યું કે, "રોહિત ઇજાના લીધે કિવિઝ સામે વનડે અને ટેસ્ટ સીરિઝમાં રમી શકશે નહીં." પહેલા વનડે ટીમમાંથી બહાર થયો અને હવે ટેસ્ટ ટીમમાંથી બહાર થઇ ગયો છે, તેની જગ્યાએ મયંક અગ્રવાલને ટીમમાં રમવાનો મૌકો મળ્યો છે. શિખર ધવન તો પહેલાથી ટીમમાં નથી ત્યારે હવે ઑપનિંગની જવાબદારી મયંક અગ્રવાલના માથે આવશે. 

India’s Test squad: Virat (Capt), Mayank, Prithvi Shaw, Shubman, Pujara, Ajinkya Rahane (vc), Hanuma Vihari, Wriddhiman Saha (wk), Rishabh Pant (wk), R. Ashwin, R. Jadeja, Jasprit Bumrah, Umesh Yadav, Mohd. Shami, Navdeep Saini, Ishant Sharma (subject to fitness clearance).

— BCCI (@BCCI) February 4, 2020

તમને જણાવી દઇએ કે ટીમ ઇન્ડિયા અને ન્યૂઝીલેન્ડ વચ્ચે ૨ ટેસ્ટ મેચ રમાશે. પહેલી ટેસ્ટ 15 થી 21 ફેબ્રુઆરી જ્યારે બીજી ટેસ્ટ 29 ફેબ્રુઆરીથી 4 માર્ચ સુધી રમાશે.

ટીમ ઇન્ડિયાની ટેસ્ટ ટીમ: 

વિરાટ કોહલી (કેપ્ટન), મયંક અગ્રવાલ, પૃથ્વી શો, શુભમન ગિલ, ચેતેશ્વર પૂજારા, અજિંક્ય રહાણે, હનુમા વિહારી, રિદ્ધિમાન સાહા (વિકેટકીપર), રૂષભ પંત, આર. અશ્વિન, આર.જાડેજા, જસપ્રિત બુમરાહ, ઉમેશ યાદવ, મોહમ્મદ. શમી, નવદીપ સૈની અને ઇશાંત શર્મા

ટીમ ઇન્ડિયાની વનડે ટીમ: 

વિરાટ કોહલી (કપ્તાન), મયંક અગ્રવાલ, પૃથ્વી શો, કેએલ રાહુલ, શ્રેયસ ઐયર, મનીષ પાંડે, ઋષભ પંત (વિકેટકીપર), શિવમ દુબે, કુલદીપ યાદવ, યુઝવેન્દ્ર ચહલ, રવિન્દ્ર જાડેજા, જસપ્રિત બુમરાહ, મોહમ્મદ શમી, નવદીપ સૈની , શાર્દુલ ઠાકુર અને કેદાર જાધવ