ક્રિકેટ / પૃથ્વી શોએ કરી કમાલ, કેપ્ટન તરીકેની પહેલી મેચમાં આ દિગ્ગજનો રેકોર્ડ તોડ્યો

• બેવડી સદી સાથે મુંબઈનો સ્કોર 457 થયો
• પૃથ્વી શો એ 227 રન બનાવ્યા
• સેહવાગનો રેકોર્ડ તોડ્યો

152 બોલમાં 227 રન બનાવ્યા

પૃથ્વી શોએ વિજય હઝારે ટ્રોફીમાં ઈતિહાસ રચ્યો છે. જયપુરમાં મુંબઈ માટે રમતા પુડુચેરી સામે પૃથ્વીએ બેવડી સદી ફટકારી દીધી છે. પૃથ્વીએ 152 બોલમાં 227 રનની કપ્તાની ઇનિંગ રમી. જેમાં 31 ચોકા અને 5 સિક્સર સામેલ છે. 

RECORD ALERT 👍👍

Prithvi Shaw, after scoring 227* vs Pondicherry in the @Paytm #VijayHazareTrophy, now has the highest List A score by a captain in Men's cricket. 👏👏 #CAPvMUM | @MumbaiCricAssoc

Follow the match 👉 https://t.co/udXu4rr12o pic.twitter.com/PVjGu9XBka

— BCCI Domestic (@BCCIdomestic) February 25, 2021

સેહવાગનો રેકોર્ડ તોડ્યો

લીસ્ટ એ મેચમાં ભારતીય કેપ્ટનનો આ સૌથી મોટો સ્કોર છે. તે અગાઉ વિરેન્દ્ર સેહવાગે 2011માં વેસ્ટ ઈન્ડિઝ સામે 219 રનની કપ્તાની ઈનિંગ રમી હતી. જ્યારે હવે પૃથ્વી શોએ વિજય હઝારે ટ્રોફીમાં સૌથી મોટો સ્કોર કરીને તે રેકોર્ડ તોડ્યો છે. તેની સાથે સાથે પૃથ્વી શોએ સંજુ સેમસનનો પણ રેકોર્ડ તોડ્યો છે.

457નો જંગી સ્કોર ઉભો કર્યો

50 ઓવરની મેચમાં એલીટ ગ્રૂપ ડીની મેચમાં પુડુચેરીએ ટોસ જીતીને પહેલા બોલિંગ કરવાનો નિર્ણય લીધો હતો. ત્યારબાદ પૃથ્વી શોએ પુડુચેરીનાં બોલરોની ખૂબ ધોલાઈ કરી હતી. પૃથ્વીએ 142 બોલમાં તેની બેવડી સદી ફટકારી દીધી હતી. જેમાં 27 ચોકા અને 4 સિક્સર સામેલ હતી. 21 વર્ષનાં પૃથ્વીએ આ રેકોર્ડ બ્રેકિંગ ઈનિંગ સાથે મુંબઈ માટે 4 વિકેટ પર 457નો જંગી સ્કોર ઉભો કરી દીધો હતો. આ ભારતમાં રમાયેલ લીસ્ટ એ મેચોમાં સૌથી મોટો સ્કોર છે. અગાઉ ઈન્ડિયા લીસ્ટ એ ટીમે 2018માં લિએસ્ટર વિરુદ્ધ 458નો સ્કોર બનાવ્યો હતો જે એક ભારતીય રેકોર્ડ છે.