ટીમ ઇન્ડિયાના પ્રતિભાશાળી ઑપનિંગ બેટ્સમેન પૃથ્વી શૉ પર ડૉપિંગના કારણે 8 મહિનાનો પ્રતિબંધ લાગ્યો છે.
પૃથ્વીએ આ રજાનો સ્વીકાર કરતા કહ્યુ કે, આ ન્યૂઝથી તે અંદરથી ખળભળી ગયો છે. જોકે, તેણે ઉમેર્યુ કે, ''હું મજબૂત રીતે કમબેક કરીશ.'' BCCIએ ડોપ પરીક્ષણમાં નિષ્ફળ થયા પછી 19 વર્ષના આ ક્રિકેટરને 15 નવેમ્બર 2019 સુધી દરેક ફોર્મેટમાંથી સસ્પેન્ડ કર્યો છે.
પૃથ્વી શૉએ ટ્વીટ કર્યુ છે કે, ''હું સમગ્ર ઇમાનદારી સાથે આ નિર્ણયનો સ્વીકાર કરુ છું. હુ હાલ ગત ટૂર્નામેન્ટમાં લાગેલી ઇજાથી બહાર આવી રહ્યો છું અને હું અંદરથી ખળભળી ગયો છું.'' BCCIએ જાહેરાત કહ્યુ કે, ''શૉએ અજાણતા જ પ્રતિબંધિત પદાર્થનું સેવન કર્યુ છે. સામાન્ય રીતે આ પદાર્થ ઉઘરસથી દવામાં મળી આવે છે.'' શૉ પર લાગેલો આ પ્રતિબંધ 16 માર્ચ 2019થી શરુ થઈને 15 નવેમ્બર 2019 સુધી ચાલશે.
પૃથ્વીએ કહ્યુ કે, ક્રિકેટ મારી જિંદગી છે અને મારા માટે ભારત અને મુંબઇ માટે રમવાથી મોટો ગર્વ કંઇ નથી અને હું મજબૂત રીતે પરત ફરીશ. શૉએ 22 ફેબ્રુઆરી 2019માં સૈયદ મુશ્તાક અલી ટ્રોફી દરમિયાન પોતાનું યૂરીન સેમ્પલ આપ્યુ હતુ. પરીક્ષણ પછી નમુનામાં ‘ટરબુટૈલાઈન’ મળ્યું હતું.
BCCIએ કહ્યુ કે, ''ટરબુટૈલાઇન WADAની પ્રતિબંધિત પદાર્થના લિસ્ટમાં છે. જેને પ્રતિયોગિતા દરમિયાન ન લઇ શકાય.'' શૉએ કહ્યું કે,''ઓસ્ટ્રેલિયા ટૂર પર મારા પગમાં ઈજા થઈ હતી. હું પ્રતિસ્પર્ધી ક્રિકેટમાં લઇને ઉત્સુક હતો. મેદાનમાં ઉતરવાની ઉતાવળમાં મેં કાઉન્ટરથી કફ સિરપની દવા ખરીદવામાં સાવધાનીના પ્રોટોકોલનું પાલન ન કર્યુ.''