કોરોના વાયરલના સંક્રમણથી સ્પેનની રાજકુમારી મારિયા ટેરેસાનું મોત નિપજ્યું છે. તે 86 વર્ષના હતા. તેમના ભાઈ પ્રિન્સ સિક્સટો એનરિકે ડી બોરબોને એક ફેસબુક પોસ્ટ દ્વારા આ અંગે જાણકારી આપી હતી.
રાજકુમારીના ભાઈએ એક ફેસબુક પોસ્ટ કરી દુખદ સમાચાર આપ્યા
સ્પેનના પ્રિન્સેસનું કોરોનાને લીધે મોત
સ્પેનમાં ઈટલી બાદ સૌથી વધારે મોત
સ્પેનથી આ સૌથી મોટા સમાચાર આવ્યા હતા
રાજકુમારીનું મોત 26માર્ચના રોજ થયું હતું. તેઓમાં કોરોના વાયરસ પોઝિટિવ જોવા મળતા તેમની સારવાર ચાલી રહી હતી. સમગ્ર દુનિયામાં કોઈ રોયલ ફેમિલીમાંથી આ પહેલું મોત છે. દેશ- દુનિયામાં કેટલાય લોકો આ બિમારીની ઝપેટમાં આવ્યા છે. પરંતુ મોતના મામલામાં સ્પેનથી આ સૌથી મોટા સમાચાર આવ્યા હતા. જેના કારણે સ્પેનમાં શોકનો માહોલ જોવા મળ્યો હતો. યૂરોપીય દેશોમાં સ્પેન ઈટલી પછી વધારે અસર ગ્રસ્ત છે.
રાજકુમારીના ભાઈએ એક ફેસબુક પોસ્ટમાં લખ્યુ હતું કે...
રાજકુમારીના ભાઈએ એક ફેસબુક પોસ્ટમાં લખ્યુ હતું કે, ‘કોરોના પોઝિટિવ 86 વર્ષીય પ્રિન્સેસનું મોત પેરિસમાં મોત નિપજ્યું છે. શુક્રવારે મૈડ્રિડમાં તેમના અંતિમ સંસ્કાર કરવામાં આવ્યા છે. પ્રિન્સેસનો જન્મ 1933માં પેરિસમાં થયો હતો. તેમણે ફ્રાન્સમાંથી અભ્યાસ કર્યો હતો. એક રિપોર્ટ મુજબ તે પેરિસના સૉરબોને અને મૈડ્રિડની કમપ્લૂટેંસ યૂનિવર્સિટીમાં પ્રોફેસર હતા. વિદેશી મીડિયાના જણાવ્યાનું સાર પ્રિન્સેસ મારિયા ટેરેસાને રેડ પ્રિન્સેસના નામથી ઓળખવામાં આવતા હતા. કેમ કે તેમના વિચાર ઘણા ઉમદા હતા. તેઓ સામાજિક કાર્યોમાં આગળ આવીને ભાગ લેતા હતા. ધ સનના જણાવ્યાનુસાર પ્રિન્સેસના પરિવારમાં બીજા પણ ઘણા સભ્યો છે.
સ્પેનમાં ઈમરજન્સી લાગુ કરવામાં આવી છે
સ્પેનમાં કોરોના વાયરસે ભારે નુકશાન કર્યુ છે. ઈટલી બાદ અહીં સૌથી વધારે મોત નિપજ્યા છે. સ્પેનમાં ઈમરજન્સી લાગુ કરવામાં આવી છે. ઈમરજન્સી હોવા છતા અહીં કોરોનાની સંખ્યામાં વધારો થવાની શક્યતા છે.
સ્પેનમાં 48 કલાકમાં 1506ના મોત
સ્પેનમાં 48 કલાકમાં 1506 લોકોના મોત થતા રેકોર્ડ સર્જાયો છે. અહીં મરનારની સંખ્યા 5982 થઈ ગઈ છે. અહીં કુલ કેસની સંખ્યા 73235 છે. જેમાંથી 54968 એક્ટિવ કેસ છે. જ્યારે 12, 285 લોકો સાજા થઈ ગયા છે.