એક્ટર પ્રિન્સ નરુલા અને તેની પત્ની એક્ટ્રેસ યુવિકા ચૌધરીએ સેલિબ્રિટી ડાન્સિંગ રિયાલિટી શો 'નચ બલિયે'ની 9મી સિઝનની ટ્રોફી જીતી લીધે છે.
રવિવારે થયેલા ગ્રાન્ડ ફિનાલેમાં તેમને પ્રિન્સ અને યુવિકા વિજેતા બન્યા હતા. શો જીત્યા પછી પ્રિન્સે મજાકમાં એક ન્યૂઝ વેબસાઇટને કહ્યું કે, ''હવે મને અન્ય રિયાલિટી શો દ્વારા બોલાવવામાં આવે એવી સંભાવના નથી. '' ઉલ્લેખનીય છે કે, પ્રિન્સ 'નચ બલિયે' પહેલાં 'રોડીઝ' (2015), 'બિગ બોસ 9' અને 'સ્પ્લિટ્સવિલા 8' નો પણ વિજેતા રહી ચૂક્યો છે.
પ્રિન્સે મજાક કરતાં કહ્યું કે, 'મને નથી લાગતું કે હવે કોઈ રિયાલિટી શો મને અપ્રોચ કરશે.' યુવિકાએ આવા રિયાલિટી શોને આઉટસાઇડર્સ માટે નસીબદાર ગણાવ્યા હતા. તેણે ઉમેર્યું, 'આ પ્રકારના શો અમારા જેવા આઉટસાઇડર્સને આગળ આવવામાં મદદ કરે છે. આ વ્યક્તિગત અને વ્યવસાયિક બંને રીતે અમારા માટે ભાગ્યશાળી છે.'
નોંધપાત્ર વાત એ છે કે, પ્રિન્સ અને યુવિકા વચ્ચેના સંબંધો 'બિગ બોસ 9' (2016) દરમિયાન શરૂ થયા હતા. બંનેએ વર્ષ 2018માં લગ્ન કર્યાં હતાં.
આ સિવાય બીજી જોડીઓની વાત કરવામાં આવે તો અનિતા હસનંદાની-રોહિત રેડ્ડી અને વિશાલ આદિત્ય સિંઘ-મધુરિમા તુલી અનુક્રમે ફર્સ્ટ અને સેકન્ડ રનરઅપ રહ્યા હતા. ઝીનત અમાન, આયેશા પારેખ, કાર્તિક આર્યન, અનન્યા પાંડે, ભૂમિ પેડનેકર, અનિલ કપૂર અને ગોવિંદા સહિત અનેક સેલિબ્રેટીઝ પણ ગ્રાન્ડ ફિનાલેમાં પહોંચ્યા હતા.
સલમાન ખાને સિઝન પ્રોડ્યૂસ કરી હતી
'નચ બલિયે'ની આ સિઝન સલમાન ખાને પ્રોડ્યૂસ કરી હતી અને તેની પ્રાઇઝ મની 50 લાખ રૂપિયા રાખવામાં આવી હતી. રવીના ટંડન અને અહેમદ ખાન સિઝનના જજ હતા, જ્યારે મનીષ પોલ અને વાલુસ્ચા ડિસુઝાએ શો હોસ્ટ કર્યો હતો.