શોના પહેલા એપિસોડમાં 5 જોડીની ઓળખ કરવામાં આવી, જેમાં શ્રદ્ઘા આર્યા પોતાના બૉયફ્રેન્ડ આલમ સિંહ, ઉર્વશી ઢોલકિયા એક્સ બોયફ્રેન્ડ અનુજ સચદેવા, બબીતા ફોગાટ પોતાના મંગેતર વિવેક સુહાગ, બિંદુ દારા સિંહ અને પત્ની ડીના ઉમારોવા અને યુવિકા-પ્રિન્સની જોડી જોવા મળી.
શોના પહેલા એપિસોડમાં જ્યાં મ્યૂઝિક-ડાન્સની સાથે ધમાકેદાર રીતે શરૂ થયો તો બીજી તરફ અંત ઘણો ઉદાસી ભર્યો રહ્યો. વાસ્તવમાં પાંચમી જોડીના રૂપમાં પ્રિન્સ નરૂલા અને તેમની પત્ની યુવિકા ધ્રુસકે-ધ્રુસકે રડવા લાગ્યા.
આ પછી શોમાં હોસ્ટ મનીષ પૉલે કેનેડામાં થયેલા પ્રિન્સના ભાઇની મૃત્યુ વિશે જણાવ્યુ. પ્રિન્સ અને યુવિકાને રોતા જોઇને ત્યાં રહેલી ઓડિયન્સના આંખ પણ આંસૂ આવી ગયા. આ સાથે જ પહેલા એપિસોડનો અંત આવ્યો.
જ્યારે આ સમાચાર આવ્યા ત્યારે પ્રિન્સ નચ બલિયેનો પ્રીમિયર શોનું શૂટિંગ કરી રહ્યો હતો, પરંતુ આ સમાચાર પછી પોતાની જાતને સ્ટ્રોંગ બનાવીને તેણે એપિસોડ શૂટ કર્યો.
ઉલ્લેખનીય છે કે, રૂપેશનુ મોત ત્યારે થયુ જ્યારે તે સ્કારબોરોના બ્લફર્સ પાર્કમાં કેનેડા ડે સેલિબ્રેટ કરી રહ્યો હતો. કથિત રીતે રૂપેશ મિત્રો સાથે કેનેડા ડે સેલિબ્રેટ કરવા માટે ગયો હતો. ત્યારે નદીના વહેણમાં તે વહી ગયો. તેને તરતા નહોતુ આવડતુ તેથી ડૂબવાના કારણે તેનું મોત થઇ ગયુ. રૂપેશ લગ્નના 3 મહિના પહેલા જ થયા હતા અને આ જ મહિનામાં તેની પત્ની તેને મળવા માટે કેનેડા જવાની હતી.