બ્રિટનના પ્રિન્સ ચાર્લ્સ કોરોનાનો ટેસ્ટ પોઝિટિવ આવ્યો છે. જ્યારે તેમના પત્નીને આઈસોલેશનમાં રાખવામાં આવ્યા છે. અત્યાર સુધીમાં બ્રિટનમાં 8, 077 લોકો કોરોના ગ્રસ્ત છે. જ્યારે 422 લોકોના મોત નિપજ્યા છે.
બ્રિટનના પ્રિન્સ ચાર્લ્સને પણ કોરોના પોઝિટિવ
કામિલા, ડચેસ ઓફ કાર્નવાલનો ટેસ્ટ નેગેટિવ આવ્યો છે
પત્નીને આઈસોલેશનમાં રાખવામાં આવ્યા
બ્રિટનના પ્રિન્સ ચાર્લ્સ કોરોના પોઝિટિવ આવ્યો છે. જ્યારે તેમના પત્નીને આઈસોલેશનમાં રાખવામાં આવ્યા છે. એલિઝાબેથના મોટા પુત્ર પ્રિન્સ ચાર્લ્સનો કોરોના વાયરસનો ટેસ્ટ પોઝિટિવ આવ્યો છે. બુધવારે તેમના કાર્યાલયમાંથી આ સમાચાર મળ્યા હતા. ડચેસ ઓફ કાર્નવાલ અને પત્ની કેમિલા સાથે પ્રિન્સ સ્કોટલેન્ડના ઘરમાં આઈસોલેટેડ છે. જોકે કામિલા, ડચેસ ઓફ કાર્નવાલનો ટેસ્ટ નેગેટિવ આવ્યો છે.
ક્લૈરેન્સ હાઉસમાંથી ઓફિશિયલ નિવેદન આવ્યું છે કે ‘પ્રિન્સ ઓફ વેલ્સનો કોરોના ટેસ્ટ પોઝિટિવ આવ્યો છે. તેમનામાં હળવા લક્ષણો દેખાયા હતા. બાકી તો તેમનું સ્વાસ્થ્ય સારુ છે. તેઓ છેલ્લાં કેટલાક દિવસોથી ઘરેથી કામ કરી રહ્યા હતા. ’
નિવેદનમાં આગળ કહેવામાં આવ્યુ હતું કે, ‘ડચેસ ઓફ કાર્નવાલનુ પરિક્ષણ પણ કરવામાં આવ્યુ છે. જો કે તેમનામાં કોઈ લક્ષણો દેખાયા નથી.’ક્લેરેન્સ હાઉસે કહ્યું હતું કે ‘71 વર્ષીય પ્રિન્સ અને તેમની પત્ની કેમિલા સ્કોટલેન્ડના ઘરમાં આઈસોલેટેડ છે. ’
માનવામાં આવી રહ્યુ છે કે થોડાક દિવસો પહેલા ચાર્લ્સની મુલાકાત મોનૈકોના પ્રિન્સ એલ્બર્ટ સાથે થઈ હતી. ઉલ્લેખનીય છે કે પછીથી એલ્બર્ટ કોરોના ગ્રસ્ત હોવાનું સામે આવ્યું હતું. અત્યાર સુધીમાં બ્રિટનમાં 8, 077 લોકો કોરોના ગ્રસ્ત છે. જ્યારે 422 લોકોના મોત નિપજ્યા છે.