મોટા સમાચાર / PM મોદી આજે સાંજે 5 વાગે કરશે રાષ્ટ્રજોગ સંબોધન, આ મુદ્દાઓ પર કરી શકે વાત

• પીએમ મોદીનું આજે દેશને સંબોધન
• રાહત પેકેજ થઇ શકે છે જાહેર
• વેક્સિનેશનને લઇને પણ કરી શકે છે વાત

પ્રધાનમંત્રી કાર્યાલય દ્વારા કરવામાં આવેલ ટ્વીટમાં સંબોધન અંગેની જાણકારી આપવામાં આવી હતી. PM મોદી પ્રજાજોગ સંબોધન સાંજે 5 વાગે કરશે. 

આ મુદ્દા પર કરી શકે વાતચીત

ઉલ્લેખનીય છે કે, પ્રધાનમંત્રી નરેન્દ્ર મોદી દેશમાં કોરોનાની સ્થિતિ અને વેક્સિનેશન મુદ્દે વાતચીત કરી શકે છે.તો રાહત પેકેજને લઈને પણ મહત્વની જાહેરાત કરી શકે છે. 

દેશના અનેક રાજ્યોમાં શરૂ થઈ છે અનલોકની પ્રક્રિયા

આપને જણાવી દઈએ કે, દેશના ઘણા રાજ્યોમાં આજથી અનલૉકની પ્રક્રિયા શરૂ થઈ રહી છે. આવી સ્થિતિમાં, એવું માનવામાં આવે છે કે દેશના લોકોએ કોરોના પ્રત્યે બેદરકાર રહેવાનું શરૂ ન કરવું જોઈએ, તેથી જ પીએમ મોદી દેશ સાથે વાતચીત કરશે. 

લોકોને સાવધાની રાખવાની કરી શકે છે અપીલ 

તો આ તરફ છેલ્લા 24 કલાકમાં દેશમાં કોરોના વાયરસના 1 લાખ નવા કેસ નોંધાયા છે અને આ સમયગાળા દરમિયાન 2400 જેટલા મોત પણ નોંધાયા પણ છે. જે ચિંતાનો વિષય છે. જે હજી ચિંતાનો વિષય છે. જો કે, કોરોનાના ઘટતા જતા કેસો વચ્ચે ઘણા રાજ્યોએ અનલોક કરવાની પ્રક્રિયા શરૂ કરી દીધી છે. આવી સ્થિતિમાં, વડા પ્રધાન લોકો સાથે વાતચીત કરી શકે છે અને તેઓને કહી શકે છે કે દેશમાં વાયરસ ચોક્કસપણે નબળો પડી ગયો છે, પરંતુ ભય યથાવત્ છે.

ઈન્ડિયન મેડિકલ એસોસિએશન PM મોદીને લખ્યો છે પત્ર

ઈન્ડિયન મેડિકલ એસોસિએશન દ્વારા વડા પ્રધાન નરેન્દ્ર મોદીને પણ એક પત્ર લખીને માંગ કરવામાં આવી હતી કે તેઓ ડોકટરો અને આરોગ્ય કર્મચારીઓ વચ્ચે વધતા જતા હુમલાના કેસમાં દખલ કરે. શક્ય છે કે પીએમ મોદીએ પણ પોતાના સંબોધનમાં આ મુદ્દાનો ઉલ્લેખ કરવો જોઈએ.