કાશ્મીરમાંથી કલમ 370 હટાવવાના ઐતિહાસિક નિર્ણય બાદ PM મોદીએ ગુરૂવાર સાંજે રાષ્ટ્રજોગ સંબોધન આપ્યું હતું. મોદીએ કહ્યું કે સરદાર સાહેબનું સપનું પૂર્ણ થયું છે. હવે કાશ્મીરના વિકાસની જવાબદારી સમગ્ર દેશની છે. કાશ્મીરી યુવાઓ જાતે નેતૃત્વ લો અને નવા વિકસીત કાશ્મીર અને લદ્દાખ બનાવવા માટે કામી લાગી જાવ.
સરદાર પટેલ અને શ્યામા પ્રસાદ મુખર્જીનું સપનું પૂર્ણ થયું
એક રાષ્ટ્ર અને પરિવારએ ઐતિહાસિક નિર્ણય લીધો છે. જેના લીધેથી જમ્મુ કાશ્મીર અને લદાખના પરિવારો વિકાસથી વંચિત હતા તે આપણા બધાના પ્રયાસથી વિકસીત બનશે. કાશ્મીરમાંથી કલમ 370 હટવાથી સરદાર પટેલ, શ્યામા પ્રસાદ મુખર્જી અને ડો.આંબેડકરનું સપનું પૂર્ણ થયું. કાશ્મીર અને લદ્દાખના વિકાસ માટે આ પગલું જરૂરી હતું. આવનાર સમયમાં કાશ્મીર અને લદાખ વિશ્વમાં ફરી આકર્ષિત જગ્યા બનશે.
કાશ્મીરની દીકરીઓને દેશની તમામ દીકરીઓ જેવું સન્માન મળશે
મોદીએ કહ્યું કે કાશ્મીરી ભાઈ-બહેનો અમે તમારા યોગ્ય સન્માન માટે આ નિર્ણય લીધો છે. કાશ્મીરી દીકરીઓ 370 કલમથી શિક્ષણ અને વ્યવસ્થાગત રીતે વંચિત હતી પરંતુ હવે દેશની તમામ દીકરીઓની જેમ સન્માન, શિક્ષણ અને વ્યવસ્થા મળશે.
370 કલમથી કાશ્મીરી દલિતોનું અપમાન થતું હતું
દલિતો પર અત્યાચાર રોકવા માટે દેશમાં સખત કાયદો છે પણ કાશ્મીર કશું ન હતું હવે કાશ્મીર અને લદ્દાખના દલિતો અને વંચિતોને સન્માન મળશે. અને ભારતીય કાયદાઓ જેવું જ સન્માન મળશે.
મજદૂરો અને સફાઈકર્મીઓને તમામ લાભો મળશે
કાશ્મીરના મજદૂરોને માત્ર કાગળ પર લાભ મળતો હતો. પરંતુ હવે કાશ્મીરના મજદૂરો અને સફાઈકર્મીઓને ભારતના અન્ય કર્મીઓની જેમ લાભ મળશે. તેમનું સન્માન ભારતીય બંધારણ મુજબ થશે.
પોલીસ અને અધિકારીના વંચિત લાભો ઝડપથી અપાશે
મોદીએ કહ્યું કે કલમ 370ને કારણે દેશના અન્ય પોલીસ અને અધિકારીઓ જેવાં યોગ્ય લાભો મળતાં નથી. હવે ઝડપથી મહેનત કરનારા તમામ અધિકારીઓને લાભ મળતાં થશે. અને જરૂર પડ્યે કેન્દ્ર સીધુ જ મોનિટરીંગ કરશે.
કાશ્મીરની તમામ સરકારી ખાલી જગ્યાઓ ઝડપથી ભરાશે
કાશ્મીર અને લદ્દાખની તમામ કેન્દ્રીય અને રાજ્યસ્તરીય જગ્યાઓ તાત્કાલિક અસરથી ભરાશે. PM મોદીએ કહ્યું કે સ્થાનિક યુવાનો આ જગ્યાઓ પર જવાબદારી લેવા માટે તૈયાર થઈ જાવ. ટુંક સમયમાં કાશ્મીરના વિકાસ માટે આગળ વધશે.
મોદીએ કાશ્મીરીઓને શાંતિથી ઈદ મનાવવા કહ્યું અને શુભેચ્છા પણ પાઠવી
ઇદનો તહેવાર નજીક આવી રહ્યો છે એટલે સૌ ને ઈદ મુબારક. ઇદ માટે મારા તરફથી તમામને ખુબ ખુબ શુભેચ્છાઓ. સરકાર આ વાતનું ધ્યાન રાખ્યું છે કે જમ્મુ કાશ્મીરમાં ઇદ મનાવનારા લોકોમાં કોઇ પરેશાની ન થાય. અમારા જે મિત્રો જમ્મુ કાશ્મીરથી બહાર રહે છે અને ઇદ પર પોતાના ઘરે પરત જવા માગે છે, તેમને પણ સરકાર તમામ સંભવ મદદ કરી રહ્યું છે.
દેશના તમામ બિઝનેસમેનોને વિનંતી કાશ્મીરની વસ્તુઓ વિશ્વ સુધી પહોંચાડો
જમ્મુ કાશ્મીરના કેસરનો રંગ હોય કે, કોફીનો સ્વાદ, સફરજનની મીઠાશ હોય કે જરદાળુનું રસીલાપણું, કાશ્મીરી શાલ હોય કે પછી કલાકૃતિઓ, લદ્દાખના ઓર્ગેનિક પ્રોડક્ટ્સ હોય કે હર્બલ દવા. આનો પ્રચાર- પ્રસાર દુનિયાભરમાં કરવાની જરૂર છે. આ સાથે મોદીએ દેશના બિઝનેસમેનોને વિનંતી કરી કે આપ સૌ કાશ્મીરની મુળભૂત વસ્તુઓને વિશ્વ સુધી પહોંચાડો.
વિશ્વનું સૌથી બેસ્ટ ટુરિસ્ટ પ્લેસ બનાવવાની પહેલ કરો
મોદીએ કહ્યું કે નવ યુવાનો અને કાશ્મીરીઓ સાથે રહી દેશવાસીઓને વિનંતી કે કાશ્મીરને ફરીથી વિશ્વનું સૌથી બેસ્ટ ટુરિસ્ટ પ્લેસ બનાવો અને વિદેશી પ્રવાસીઓનું ધ્યાન કેન્દ્રિત કરો. આવનાર સમયમાં ટુરિઝમથી કાશ્મીરની ઈકોનોમિ પણ આગળ વધે તેવા પ્રયાસો કરાશે.
યુવાનોને કાશ્મીરનું નેતૃત્વ લેવા અપીલ
વર્ષોથી પરિવારવાદે જમ્મુ કાશ્મીરના યુવાનોના નેતૃત્વનો અવસર પણ નથી આપ્યો. હું નવયુવાનોને, ત્યાંની દીકરીઓ-બહેનોથી આગ્રહ કરીશ કે તમે પોતાના ક્ષેત્રના વિકાસની કમાન પોતે સંભાળો. કાશ્મીરની રાજનીતિમાં પણ ઝંપલાવો અને કાશ્મીરને વિકસીત રાજ્ય બનાવી દો.
કાશ્મીરમાં મોટું મહેસૂલ નુકસાન
જમ્મુ કાશ્મીરમાં મહેસૂલ નુકસાન બહુ જ વધારે છે. કેન્દ્ર સરકાર નક્કી કરશે કે આની અસર ઓછી થાય. જરૂર પડ્શે કાશ્મીરને નાણાં પણ આપીશું.
જમ્મુ કાશ્મીરને પરિસ્થિતિ સુધર્યા બાદ બનાવાશે પૂર્ણ રાજ્ય
લદ્દાખ કેન્દ્ર શાસિત પ્રદેશ બનેલું રહેશે. ત્યારે પરિસ્થિતિ સુધર્યા બાદ જમ્મુ કાશ્મીરને પૂર્ણ રાજ્ય બનાવાશે. મહત્વનું છે કે, લદ્દાખ અને જમ્મુ કાશ્મીરને બે ભાગમાં વહેંચીને કેન્દ્ર શાસિત પ્રદેશ બનાવવામાં આવ્યા છે.
તમામ સરકારી કર્મચારીઓને યોગ્ય સુવિધાઓ મળશે
નવી વ્યવસ્થામાં કેન્દ્ર સરકારની આ પ્રાથમિકતા રહેશે કે રાજ્યના કર્મચારીઓને, જમ્મુ કાશ્મીર પોલીસને, બીજા કેન્દ્ર શાસિત પ્રદેશોના કર્મચારીઓ અને ત્યાંની પોલીસની બરાબર સુવિધાઓ મળશે. મોદીએ કહ્યું કે કલમ 370ને કારણે દેશના અન્ય પોલીસ અને અધિકારીઓને યોગ્ય લાભો મળતાં નથી. હવે ઝડપથી મહેનત કરનારા તમામ અધિકારીઓને લાભ મળતાં થશે. અને જરૂર પડ્યે કેન્દ્ર સીધુ જ મોનિટરીંગ કરશે.
બોલિવૂડ ઈન્ડસ્ટ્રીને વિનંતી કે કાશ્મીરમાં નવી ફિલ્મો બનાવો
મોદીએ બોલિવૂડ, તમિલ અને દક્ષિણ ફિલ્મ ઈન્ડસ્ટ્રીઝને વિનંતી કરી છે કે પહેલાંની જેમ ફરી કાશ્મીરમાં ફિલ્મો બનાવો અને કાશ્મીરની સુંદરતાને વિશ્વ સુધી પહોંચાડો. જરૂરિયાત સમયે સરકાર આપને પણ બધી જ મદદ કરવા તૈયાર હશે. આપણાં કાશ્મીરને ફરીથી વિશ્વનું સૌથી આકર્ષિત રાજ્ય બનાવો.
લદ્દાખમાં સોલર ઉર્જા ઉત્પાદનનું કેન્દ્ર બની શકે તેમ છે
લદ્દાખની પહાડીઓમાં એટલી સૌર ઉર્જા છે કે સોલક ઉર્જા ઉત્પાદનું નવું કેન્દ્ર બનાવી નવો બેન્ચ માર્ક ઉભો કરીએ. આ સોલર ઉર્જાનો ઉપયોગ રાજ્યભરના નવા ઉદ્યોગો માટે પણ ઉપયોગી બનશે.