આ યુનિવર્સિટીમાં પુરૂષો અને મહિલા સહિત 1080 ખેલાડીઓને તાલીમ આપવાની વ્યવસ્થા કરાશે. તેમાં શૂટિંગ, સ્ક્વોશ, જિમ્નાસ્ટિક્સ, વેઈટ લિફ્ટિંગ, સહિતની અન્ય રમતોની પણ સુવિધાઓ હશે.
PM મોદી આજે મેરઠમાં મેજર ધ્યાનચંદ સ્પોર્ટ્સ યુનિવર્સિટીનું ઉદ્ઘાટન કરશે. પીએમઓ દ્વારા જારી કરવામાં આવેલા નિવેદન અનુસાર, આ સ્પોર્ટ્સ યુનિવર્સિટી મેરઠના સરથાણા શહેરના સલવા અને કાલી ગામમાં 700 કરોડ રૂપિયાના ખર્ચે બનાવવામાં આવશે.PMOએ કહ્યું, "વડાપ્રધાન મોદી દેશમાં રમતગમતની સંસ્કૃતિને પ્રોત્સાહન આપવા અને રમતના સંસાધનોને વિશ્વ-સ્તરીય બનાવવા માટે સતત કામ કરી રહ્યા છે. તેમના વિઝન હેઠળ મેરઠમાં સ્પોર્ટ્સ યુનિવર્સિટીની સ્થાપનાનું પગલું લેવામાં આવી રહ્યું છે.
મેરઠમાં બની રહેલી મેજર ધ્યાનચંદ સ્પોર્ટ્સ યુનિવર્સિટીમાં શું ખાસ હશે
- મેજર ધ્યાનચંદ સ્પોર્ટ્સ યુનિવર્સિટી 700 કરોડના ખર્ચે બની રહી છે
- નવી યુનિવર્સિટીને આધુનિક સુવિધાઓથી સજ્જ કરવામાં આવશે
- એક સાથે 1080 ખેલાડીઓને તાલીમ આપી શકાશે
- એથ્લેટિક્સ જેવી આઉટડોર ગેમ્સ માટે 25 થી 30 હજાર લોકો બેસી શકે તેવી વ્યવસ્થા કરવામાં આવશે.
- કુસ્તી, ખો-ખો અને કબડ્ડી જેવી રમતો માટે 5 હજારની ક્ષમતા ધરાવતો હોલ બનાવવામાં આવશે.
- યુનિવર્સિટીમાં સિન્થેટિક હોકી મેદાન, ફૂટબોલ મેદાન હશે
- બાસ્કેટબોલ, વોલીબોલ, હેન્ડબોલ, લૉન ટેનિસ કોર્ટ પણ હશે
- શૂટિંગ અને તીરંદાજી માટે શૂટિંગ રેન્જ પણ હશે
- સિન્થેટિક રનિંગ સ્ટેડિયમ, સ્વિમિંગ પૂલ જેવી સુવિધાઓ પણ હશે