PM મોદી ગુજરાતમાં / સાબરમતી પર બનશે બેરેજ, અનેક જગ્યાએ પાઈપલાઇનનું કામ: થરાદની ધરાથી ઉ.ગુજરાતને મળશે 8 હજાર કરોડની ભેટ

• વડાપ્રધાન નરેન્દ્ર મોદી ત્રણ દિવસના ગુજરાતના પ્રવાસે 
• થરાદથી 8034 કરોડના વિવિધ પ્રોજેક્ટનું ખાતમુહૂર્ત અને જાહેરાત કરશે
• આગામી દિવસોમાં ખેડૂતોને ફાયદો થશે

ગુજરાત વિધાનસભા ચૂંટણી નજીક આવતા વડાપ્રધાન નરેન્દ્ર મોદીના ગુજરાત પ્રવાસમાં પણ વધારો થયો છે, ત્યારે ફરી પીએમ મોદી 3 દિવસીય ગુજરાતના પ્રવાસે આવ્યા છે. આ પ્રવાસ દરમિયાન પ્રધાનમંત્રી મોદી વડોદરા, થરાદ, કેવડિયા અને માનગઢમાં યોજાનારા કાર્યક્રમમાં ઉપસ્થિત રહેશે અને જંગી જનસભાને સંબોધશે. 

વિવિધ પ્રોજેક્ટનું ખાતમુહૂર્ત-લોકાર્પણ કરશે
આવતીકાલે પીએમ મોદી બનાસકાંઠા જિલ્લાના થરાદથી 8034 કરોડના વિવિધ પ્રોજેક્ટનું ખાતમુહૂર્ત અને વિકાસકાર્યોની જાહેરાત કરશે. જિલ્લામાં પાણીને લગતા વિવિધ કાર્યો સામેલ છે. થરાદથી પીએમ મોદી દ્વારા પાઈપલાઈન, ડિસ્ટ્રીબ્યુશન કેનાલ, ગામડાઓમાં પાણીસંગ્રહની વધારાની સુવિધાઓ, તેમજ નવા બેરેજ બાંધકામની કામગીરીનું ખાતમુહૂર્ત અને જાહેરાત કરવામાં આવશે. જેના કારણે આગામી દિવસોમાં ખેડૂતોને ફાયદો થશે. કામગીરીની વિગતવાર માહિતી નીચે મુજબ છે.

કસરા-દાંતીવાડા પાઇપલાઈન

• નર્મદા મુખ્ય નહેરમાંથી નાખવામાં આવશે પાઈપલાઈન
• કસરાથી દાંતીવાડા સુધીની નવી પાઈપલાઈન 
• બનાસકાંઠાના 74 અને પાટણના 32 ગામને મળશે લાભ
• કુલ 7 હજાર 500 હેક્ટર વિસ્તારને મળશે લાભ
• અંદાજે 4 હજાર 200 ખેડૂતોને મળશે લાભ
• આ યોજના માટે અંદાજે 1 હજાર 566 કરોડનો ખર્ચ 

ડીંડરોલ–મુક્તેશ્વર પાઇપલાઈન

• સિદ્ધપુરના ડીંડરોલથી દાંતીવાડા સુધીની નવી પાઈપલાઈન 
• બનાસકાંઠાના 25 અને પાટણના 5 ગામને મળશે ફાયદો
• કુલ 3 હજાર હેક્ટર વિસ્તારને થશે લાભ
• અંદાજે 1 હજાર 700 ખેડૂતોને મળશે લાભ 
• આ યોજના માટે 191 કરોડનો ખર્ચ

સુઈગામ ડાયરેક્ટ ડિસ્ટ્રીબ્યુટરી

• બનાસકાંઠામાં 22 ગામોના સિંચાઇ આપવા ડિસ્ટ્રિબ્યુટરી બનાવવાની યોજના
• ડિસ્ટ્રિબ્યુટરીની લંબાઈ 34 કિ.મી.
• 14 હજાર 700 હેક્ટર વિસ્તારમાં ફાયદો
• અંદાજે 7 હજાર 500 ખેડૂતોને ફાયદો
• આ યોજના માટે 88 કરોડનો ખર્ચ

કાંકરેજ, દિયોદર અને પાટણ માટે પાણી પુરવઠાની યોજના

• સંગ્રહ ક્ષમતા વધારવા કરવામાં આવશે કામગીરી
• 100 ગામડાઓને યોજનાથી મળશે ફાયદો 
• અંદાજે 3.02 લાખ લાભાર્થીને થશે ફાયદો
• આ યોજના માટે 13 કરોડનો ખર્ચ 

સુજલામ સુફલામ નહેર સુધારણાના કામો

• 332 કિ.મી. લાંબી નહેરનું કરવામાં આવશે નિર્માણ
• 2 હજાર ક્યૂસેક સુધીની વહનક્ષમતાના લીધે પાણીને સરળતાથી દૂર સુધી પહોંચાડી શકાશે 
• નહેર તેમજ સ્ટ્રકચર્સ સુધારણાનો અંદાજે 1 હજાર 500 કરોડ ખર્ચ
• 1 હજાર 111 તળાવો અને 3.7 લાખ એકર વિસ્તારને આ યોજનાનો લાભ
• 661 ગામો અને અંદાજે 1.25 લાખ ખેડૂતોને મળશે લાભ

સાબરમતી નદી પર 4 નવા બેરેજનું બાંધકામ 

• 14 હજાર હેક્ટર વિસ્તારને ફાયદો
• અંદાજે 10 હજાર ખેડૂતોને મળશે લાભ
• મહેસાણા, સાબરકાંઠા અને ગાંધીનગરના 5 તાલુકાના 39 ગામોને લાભ
• આ યોજના માટે 1 હજાર કરોડનો ખર્ચ

4 જળાશય આધારિત ઉદ્વવહન સિંચાઈ યોજના

• માલપુર, મેઘરજ અને  મોડાસા તાલુકાના તળાવો ભરવાની કામગીરી
• 7 તાલુકાના 182 તળાવોમાં થશે કામગીરી
• આ યોજના માટે 700 કરોડનો ખર્ચ
• 6 હજાર 150 હેક્ટર વિસ્તારને મળશે સિંચાઈનો લાભ
• 11 હજાર ખેડૂતોને મળશે આ યોજનાનો ફાયદો

તળાવ જોડાણના કામો

• હયાત અને નવીન પાઈપલાઈન દ્વારા થશે કામગીરી 
• ધાનેરા, દિયોદર અને ચાણસ્મા તાલુકાના 99 તળાવોને થશે ફાયદો
• 10 હજાર હેક્ટર વિસ્તારને મળશે લાભ
• અંદાજે 5 હજાર ખેડૂતોને થશે ફાયદો
• આ યોજના માટે 625 કરોડનો ખર્ચ 

મોટીદાઉ પાઈપલાઈન લંબાવવાની કામગીરી

• મહેસાણાના 33 અને બનાસકાંઠા જિલ્લાના 64 ગામને ફાયદો
• 6 હજાર હેક્ટર વિસ્તારને થશે ફાયદો
• 4 હજાર ખેડૂતોને યોજનાનો મળશે લાભ
• મુખ્ય પાઈપલાઈનની લંબાઈ 65 કિ.મી.
• વહન ક્ષમતા 200 ક્યૂસેક
• આ યોજના માટે 550 કરોડનો ખર્ચ

મોટા ચેકડેમની કામગીરી

• 56 મોટા ચેકડેમ બનાવવાની કરવામાં આવશે કામગીરી
• ખારી નદી પર 3 ચેકડેમ બનાવવાની કામગીરી
• પુષ્પાવતી નદી પર 13 ચેકડેમ બનાવવાની કામગીરી
• રૂપેણ નદી પર 18 ચેકડેમ બનાવવાની કામગીરી
• મેશ્વો નદી પર 12 ચેકડેમ બનાવવાની કામગીરી
• દાતા અને અમીરગઢ તાલુકામાં 10 મોટા ચેકડેમની કામગીરી
• આ યોજના માટે 430 કરોડનો ખર્ચ
• ચેકડેમથી 5 હજાર હેક્ટર વિસ્તારમાં થશે ફાયદો
• અંદાજે 9 હજાર ખેડૂતોને મળશે લાભ