રિપોર્ટ / પાક.ને ઝાટકો આપતા મુસ્લિમ દેશોને આ રીતે લાડલા બન્યા PM મોદી!

PM મોદીને 5 વર્ષના કાર્યકાળમાં 6 વૈશ્વિક ઍવોર્ડમાંથી 4 ઍવોર્ડ મુસ્લિમ દેશોએ આપ્યા

ફોરેન પોલિસીના રિપોર્ટ પ્રમાણે 2014માં લોકસભા ચૂંટણીમાં પૂર્ણ બહુમતીથી સરકાર બન્યા બાદ પીએમ મોદીએ વિદેશ નીતિને પ્રાથમિકતા આપી છે. પીએમ મોદીએ 2014 બાદથી 8 મધ્યપૂર્વ દેશોની મુલાકાત કરી છે. પીએમ મોદીને 5 વર્ષના કાર્યાકાળમાં કુલ 6 વૈશ્વિક ઍવોર્ડ મળ્યા છે, જેમાંથી 4 મુસ્લિમ દેશોએ આપ્યા છે.4 એપ્રિલ 2019ના રોજ યુએઇએ પોતાના સર્વોચ્ચ સન્માન જાયેદ મેડલથી પીએમ મોદીને સમ્માનિત કર્યા છે. આ સમ્માન તેમણે બંને દેશોના સંબંધ મજબૂત કરવામાં અગત્યની ભૂમિકા નિભાવા માટે આપવામાં આવ્યો છે. 
 

50 વર્ષમાં પહેલી વખત ગેસ્ટ ઓફ ઑનર તરીકે પીએમ મોદીને આમંત્રિત કરાયા 

તાજેતરમાં જ OIC એટલે કે, ઑર્ગેનાઇઝેશન ઓફ ઇસ્લામિક કોર્પોરેશનમાં ભારતને 50 વર્ષમાં પહેલી વખત ગેસ્ટ ઓફ ઑનર તરીકે પર આમંત્રિત કરાયા હતા. પાકિસ્તાનના વિરોધ છતાંય મુસ્લિમ મંચ પર ભારતની હાજરી સૌથી મોટી કૂટનીતિક જીત હતી. 2018મા યુએઇએ ભ્રષ્ટાચારના આરોપોમાં ઘેરાયેલા ત્રણ લોકોના પ્રત્યર્પણ કરી દીધા હતા. અબુધાબીમાં ભારતીય દૂતાવાસે તેને વ્યક્તિગત સંબંધ ગણાવ્યો હતો. મોદીના પ્રગાઢ સંબંધોની તરફ ઇશારો હતો.

મોદી સરકારે સાઉદી અરબ અને યુએઇ તરફ સાહસિક રીતે પગલાં ભરી આગળ વધ્યા છે. આ પહેલાં આ દેશોને ધાર્મિક આધારના લીધે પાકિસ્તાનનું સમર્થક મનાતું હતું અને લાંબા સમય સુધી ભારતની પ્રાથમિકતામાંથી બહાર જ રખાયું હતું. આ ધર્મનિરપેક્ષ ઇરાક અને ઇજિપ્તથી ભારત નજીક થતું ગયું. જ્યારે પણ મધ્ય-પૂર્વ દેશોની વાત આવે છે તો સૌથી પહેલાં તેલનો ઉલ્લેખ થાય છે. 

સાઉદી અરબ પ્રિન્સે ગણાવ્યા મોદીને ‘મોટા ભાઇ’

2024 સુધીમાં ભારતનો વપરાશ ચીનથી પણ વધી જશે. તેને જોતા આ દેશો સાથે સંબંધ સુધારવાની પહેલ કરવામાં આવી છે. ફેબ્રુઆરી 2019માં સાઉદી અરબ પ્રિન્સ મોહમ્મદ બિન સલમાને નવી દિલ્હીની મુલાકાત લીધી હતી અને કહ્યું હતું કે, તેઓ ભારતમાં આગળના બે વર્ષમાં અંદાજે 100 અબજ ડોલરની રોકાણ કરશે. પીએમ મોદીના કાર્યકાળમાં આવ્યા બાદ તથ્યો બદલાયા છે. છેલ્લાં પાંચ વર્ષમાં મોદીએ ખાડીના યુવા નેતાઓની સાથે સંબંધ સ્થાપિત કર્યા છે. જેમાં અબુ ધાબી અને સાઉદી અરબના ક્રાઉન પ્રિન્સ પણ સામેલ છે. મોહમ્મ બિન સલમાને પોતાની યાત્રા દરમ્યાન મોદીને મોટા ભાઇ કહીને સંબોધિત કર્યા હતા.