પ્રધાનમંત્રી નરેન્દ્ર મોદી આજે આફ્રિકાના પ્રવાસ માટે નીકળશે. અહીં તે આફ્રિકાના દેશોરવાંડા અને યૂગાંડાની મુલાકાત લેશે. નરેન્દ્ર મોદીએ પાછલા ચાર વર્ષમાં મુલાકાત લીધેલા 54 દેશોના લિસ્ટમાં વધુ બે દેશોનું નામ ઉમેરાઈ જશે.
PM મોદીના વિદેશ પ્રવાસ પર 1500 કરોડ ખર્ચ:
ગત 4 વર્ષોમાં પ્રધાનમંત્રી નરેન્દ્ર મોદીના વિદેશ પ્રવાસ પર કુલ 1484 કરોડ રૂપિયાનો ખર્ચ કર્યો છે. બીજી તરફ પૂર્વ પ્રધાનમંત્રી મનમોહન સિંહના વિદેશ પ્રવાસ પર 9 વર્ષમાં 642 કરોડ રૂપિયા ખર્ચ કર્યા હતા.
12% સમય વિદેશમાં પસાર કર્યો:
પ્રધાનમંત્રી મોદી અત્યાર સુધીના કાર્યકાળમાં કુલ 171 દિવસ વિદેશ પ્રવાસમાં રહ્યા છે. આ રીતે જોવા જોઇએ તો તેમણે 12% સમય વિદેશમાં પસાર કર્યો છે.
2015માં સૌથી મોંઘી યાત્રા:
જો પ્રધાનમંત્રી મોદીના સૌથી મોંઘા વિદેશ પ્રવાસની વાત કરીએ તો એપ્રિલ 2015માં તેમણે કરેલી ફ્રાન્સ જર્મની અને કેનેડાની યાત્રા સૌથી મોંઘી હતી. માત્ર ચાર્ટર્ડ ફ્લાઈટ અને હૉટલાઈનની સુવિધા પર 32 કરોડ રૂપિયા ખર્ચ કરવામાં આવ્યા.
જુલાઈથી નવેમ્બર સૌથી વધારે વ્યસ્ત:
નરેન્દ્ર મોદીએ પ્રધાનમંત્રી તરીકે સૌથી વધારે અમેરિકાની મુલાકાત લીધી છે. જુલાઈથી નવેમ્બર સુધીનો સમય તેમના માટે સૌથી વધારે વ્યસ્ત હોય છે કારણકે આ સમયે BRICS અને ઈસ્ટ એશિયા સમિટ થાય છે. પ્રધાનમંત્રી મોદીના વિદેશ પ્રવાસ માટે 5 વાર ઈન્ડિયન એરફોર્સ એરક્રાફ્ટનો ઉપયોગ કરવામાં આવ્યો છે.