પ્રિયંકા ચોપરા અને નિક જોનસે ગુરુવારે દિલ્હીમાં ગ્રાન્ડ રિસેપ્શન પાર્ટી યોજી જેમાં દિગ્ગજ હસ્તીઓ શામેલ થઇ હતી. ન્યૂલી મેરિડ કપલને આશીર્વાદ આપવા માટે દેશના પ્રધાનમંત્રી નરેન્દ્ર મોદી પણ આવ્યા હતા. PM મોદીએ નિક અને પ્રિયંકાને લગ્નની શુભેચ્છાઓ આપી અને સાથ જ સ્ટેજ પર તેમની સાથે વાતચીત પણ કરી હતી જે પછી સ્ટાર કપલે PM મોદી સાથે ફોટો પણ ક્લિક કરાવ્યો હતો.
દિલ્હીની 5 સ્ટાર તાજ પેલેસ હોટલમાં રાખેલી પાર્ટીમાં પ્રિયંકાએ સિલ્વર રંગનો લહેંગો પહેર્યો હતો અને સાથે જ તેણે જ્વેલરીમાં હેવી નેકપીસ અને મેચિંગ ઇયરરિંગ્સ તેમજ હાથમાં કડું પહેર્યુ હતુ.વાળમાં તેણે ટ્રેડિશનલ ગજરાની જગ્યાએ સફેદ ગુલાબથી બનાવેલો ગજરો લગાવ્યો હતો. તો બીજી તરફ નીક જોનસે બ્લેક પેન્ટ અને વેલ્વેટ લૂકના જેકેટની પસંદગી કરી હતી. આ આઉટફીટ સાથે તેણે સેમ ફેબ્રિકના શૂઝ પહેર્યા હતાં. સફેદ શર્ટ સાથે તેણે બ્લેક બો ટાઇ પહેરી હતી જેમાં તે હેન્ડસમ લાગી રહ્યો હતો.
પ્રિયંકાની મા મધુ ચોપરાએ રિસેપ્શન પાર્ટીમાં યેલો સિલ્ક સાડી પહેરી હતી અને સાથે જ બોટ નેકનો બ્લાઉઝ પહેર્યો તો પ્રિયંકાના ભાઇએ સફેદ કુર્તા પાયજામા અને નહેરુ જેકેટમાં જોવા મળ્યો હતો. પ્રિયંકાની સાસુ એટલે કે નિક જોનસની મમ્મી ડેનિયલ જોનસ અને એક્ટ્રેસ જેઠાણી સોફી ટર્નરે મેચિંગ શેડનો શિમરી લહેંગો પહેર્યો હતો. બન્ને આ લુકમાં સુંદર લાગી રહ્યાં હતાં.
જોધપુરના ઉમૈદ ભવન પેલેસ ખાતે કર્યા લગ્ન:
પ્રિયંકા-નિકે પહેલી ડિસેમ્બરના રોજ ક્રિશ્ચિયન રીતિ-રિવાજથી લગ્ન કર્યાં હતાં. બીજી ડિસેમ્બરના રોજ પ્રિયંકા-નિકે હિંદૂ રીતિ-રિવાજથી લગ્ન કર્યાં હતાં. 29 નવેમ્બરથી જોધપુરના ઉમેદ પેલેસમાં પ્રિ વેડિંગ સેલિબ્રેશન શરૂ થયા હતાં. જેમાં મહેંદી સંગીત સેરેમની કોકટેલ પાર્ટી હલ્દી ચૂડા સેરેમની યોજાઈ હતી. ક્રિશ્ચિયન વેડિંગમાં પ્રિયંકા તથા નિક વચનો લખીને આવ્યા હતાં. હિંદૂ લગ્નમાં ફેરા ફર્યાં બાદ નિકે સ્પીચ આપી હતી અને પ્રિયંકાને આજીવન ખુશ રાખશે તેવું વચન આપ્યું હતું. આ સાંભળીને પ્રિયંકાની આંખો ભરાઈ આવી હતી. હિંદુ લગ્નમાં પ્રિયંકાના કાકા પવન ચોપરા(પરિણીતીના પિતા)એ કન્યાદાન કર્યું હતું.