વિદેશ યાત્રા / પરમ મિત્ર મૈંક્રોને મળવા ફ્રાન્સ પહોંચ્યા પીએમ મોદી, ઉતરતા જ પેરિસમાં થયું ભવ્ય સ્વાગત

• ત્રણ દેશોની યાત્રાના ભાગરુપે છેલ્લા દેશ પહોંચ્યાં પીએમ મોદી
• ડેનમાર્કથી ફ્રાન્સની રાજધાની પેરિસ આવ્યાં
• બીજી વાર ચૂંટાયેલા રાષ્ટ્રપતિ મૈંક્રો છે પીએમ મોદીના ખાસ મિત્ર 

પ્રધાનમંત્રી ત્રણ દેશોની યાત્રાના ભાગરુપે છેલ્લા દેશ ફ્રાન્સ આવ્યાં છે. પેરિસ એરપોર્ટ પર તેમના સ્વાગતમાં સેંકડો ભારતીયો હાજર રહ્યાં હતા. પેરિસ એરપોર્ટ પર પીએમ મોદીનું ભવ્ય સ્વાગત કરાયું હતું. તેઓ નવા ચૂંટાયેલા રાષ્ટ્રપતિ ઈમ્યુનલ મૈંક્રોને પણ  મળવાના છે. મૈંક્રો અને પીએમ મોદી ખાસ મિત્ર છે. 

#WATCH | Prime Minister Narendra Modi arrives in Paris, France on the third and final leg of his visit to three European nations. pic.twitter.com/aarcOg6kkv

— ANI (@ANI) May 4, 2022

એરપોર્ટ પર ભારતીય સમુદાયના લોકોએ કર્યું સ્વાગત

પીએમ મોદીનું પેરિસમાં ભારતીય સમુદાયના લોકોએ સ્વાગત કર્યું હતું. ભારતીય સમુદાયના લોકોએ પીએમ મોદીના ઓટોગ્રાફ પણ લીધા હતા. 

પરમ મિત્ર મૈંક્રોને મળ્યાં

પ્રધાનમંત્રી મોદી તેમના પરમ મિત્ર મૈંક્રોને મળ્યા હતા. અહીંથી તેઓ ભારત તરફ રવાના થશે. .

Prime Minister Narendra Modi arrives in Paris, France on the third and final leg of his visit to three European nations. pic.twitter.com/4fxCWcZqcY

— ANI (@ANI) May 4, 2022

પેરિસ આવતા પહેલા પીએમ મોદી ડેનમાર્કમાં હતા. ડેન્માર્કના કોપનહેગનમાં ક્રિશ્ચિયનબોર્ગ પેલેસ ખાતે ભારત-નોર્ડિક શિખર સંમેલનમાં વડા પ્રધાન નરેન્દ્ર મોદી અને નોર્ડિક દેશોની સરકારોના વડાઓએ હાજરી આપી હતી. આ બીજી વખત છે જ્યારે ભારત નોર્ડિક સમિટનો ભાગ બન્યું છે

ઉભરતી ટેકનોલોજી, રોકાણ, સ્વચ્છ ઊર્જાના મુદ્દા ચર્ચા કરવા મળ્યું શિખર સંમેલન 
વિદેશ મંત્રાલય (એમઇએ) દ્વારા કરવામાં આવેલા એક ટ્વીટ અનુસાર, ઉભરતી ટેકનોલોજી, રોકાણ, સ્વચ્છ ઊર્જા, આર્કટિક સંશોધન જેવા ક્ષેત્રોમાં નોર્ડિક ક્ષેત્ર સાથે અમારા બહુઆયામી સહકારને પ્રોત્સાહન આપવું એ સમિટના મુખ્ય લક્ષ્યો છે. તે ભવિષ્ય માટે ભાગીદારી છે.

પ્રધાનમંત્રી મોદી નોર્ડિક દેશઓના નેતાઓને મળ્યાં 

સંમેલનની શરૂઆત પહેલા ડેનમાર્ક, ફિનલેન્ડ, આઇસલેન્ડ, નોર્વે અને સ્વીડનના નેતાઓ એક સાથે દેખાયા હતા. આ નેતાઓ સાથે પીએમ મોદીનો ફોટો વિદેશ મંત્રાલયના પ્રવક્તા અરિંદમ બાગચીએ ટ્વીટ કર્યો હતો. તેમણે એમ પણ લખ્યું છે કે 2018માં સ્ટોકહોમમાં ભારત અને નોર્ડિક દેશો આ પ્રકારની સમિટ દ્વારા પહેલીવાર એક મંચ પર એક સાથે આવ્યા હતા અને હવે 2021માં બીજી વાર આ સંમેલન યોજાયું હતું. 

નોર્ડિકમાં કયા દેશ 
નોર્ડિકમાં કુલ પાંચ દેશ છે જેમાં પાંચ ડેનમાર્ક, ફિનલેન્ડ, આઇસલેન્ડ, નોર્વે અને સ્વીડન સામેલ છે. પીએમ મોદીએ આ નેતાઓ સાથે અંગત મુલાકાત કરી હતી. 

પીએમ મોદીની યુરોપ યાત્રા આજે પૂરી થશે

વડાપ્રધાન નરેન્દ્ર મોદીનો ત્રણ દિવસનો યુરોપ પ્રવાસ આજે પૂરો થશે. મુલાકાતના અંતિમ દિવસે તેઓ થોડા કલાકો માટે ફ્રાન્સમાં રહેશે અને ફ્રાન્સના રાષ્ટ્રપતિ મેક્રોન સાથે વાત કરશે. આ પહેલા નરેન્દ્ર મોદીએ મંગળવારે ડેનમાર્કની મુલાકાત લીધી હતી. મોદીએ કોપનહેગનમાં ડેનમાર્કના વડા પ્રધાન મેટ્ટે ફ્રેડરિક્સન સાથે મુલાકાત કરી હતી અને અનેક મુદ્દાઓ પર ચર્ચા કરી હતી.