પીએમ મોદી બુધવારે 3 દિવસીય પ્રવાસ પર વોશિંગ્ટન પહોંચ્યા હતા
ક્વાડ દેશોની બેઠક બાદ મોડી રાતે નરેન્દ્ર મોદી ન્યૂયોર્ક પહોંચ્યા
અમેરિકાના વ્હાઈટ હાઉસમાં શુક્રવારે ભારતીય સમયાનુસાર મોડી રાતે અનેક ક્વાડ દેશોની બેઠક બાદ પ્રધાનમંત્રી નરેન્દ્ર મોદી ન્યૂયોર્ક પહોંચી ગયા છે. જ્યાં તે સંયુક્ત રાષ્ટ્ર મહાસભાના 76માં સત્રને સંબોધિત કરશે. પીએમ મોદી બુધવારે 3 દિવસીય પ્રવાસ પર વોશિંગ્ટન પહોંચ્યા હતા. જે કોવિડની મહામારીના કેર બાદથી આ તેમની પહેલી મુસાફરી હતી.
ક્વાડ નેતાઓએ પહેલી વ્યક્તિગત શિખર સંમેલનમાં ભાગ લીધો
પ્રધાનમંત્રી મોદીએ આ પ્રવાસ દરમિયાન ઓસ્ટ્રેલિયા અને જાપાનના પોતાના સમકક્ષની સાથે અમેરિકન રાષ્ટ્રપતિ જો બાયડન દ્વારા આયોજિત ક્વાડ નેતાઓએ પહેલી વ્યક્તિગત શિખર સંમેલનમાં ભાગ લીધો. બેઠક દરમિયાન પ્રધાનમંત્રી મોદીએ કહ્યું કે તેમને દ્રઢ વિશ્વાસ છે કે લોકતંત્રોના ગ્રુપે ફોર્સ ફોર ગ્લોબલ ગુડના રુપમાં કાર્ય કરશે અને હિંદ પ્રશાંતની સાથે સાથે પૂરી દુનિયામાં શાંતિ અને સમૃદ્દિ સુનિશ્ચિત કરશે.
#WATCH | United States: Prime Minister Narendra Modi arrives at the airport in New York.
પીએમ મોદીએ અમેરિકન રાષ્ટ્રપતિ જો બાયડનનો આભાર માન્યો
પહેલી ફિજિકલ ક્વાડ સમિટને ઐતિહાસિક ગણાવતા પીએમ મોદીએ અમેરિકન રાષ્ટ્રપતિ જો બાયડનનો આભાર માન્યો. પોતાના શરુઆતના સંબોધનમાં પીએમ મોદીએ ક્વાડનો હેતુ સમજાવતા કહ્યું કે સૌથી પહેલા વર્ષ 2004 બાદ ક્વાડ દેશો એકજૂથ થયા છે. ત્યારે સુનામીને પહોંચી વળવા માટે તમામ પ્રકારની મદદ મળી હતી. હવે સમગ્ર દુનિયા કોરોના સામે લડી રહી છે. ત્યારે ફરી દુનિયાના સારા માટે ક્વાડ સક્રિય થયું છે. પીએમ મોદીએ કહ્યું કે આપણી ક્વાડ રસી પહેલથી ઈન્ડો પેસિફિક દેશોને મદદ મળશે. આની પહેલા પીએમ મોદીએ કહ્યું કે ગુરુવારે ભારતમાં શક્ય નિકાસ માટે 5 વૈશ્વિક સીઈઓની સાથે બેઠક કરી હતી.
આ મુદ્દાઓ પર થઈ વાત
ઉલ્લેખનીય છે કે પીએમ મોદીની અમેરિયા યાત્રા 25 સપ્ટેમ્બરે સંયુક્ત રાષ્ટ્ર મહાસભામાં એક સંબોધનની સાથે સમાપ્ત થશે. જેમાં કોવિડ 19, આતંકવાદને પહોંચી વળાની જરુરિયાત, જળવાયુ પરિવર્તન અને અન્ય મહત્વપૂર્ણ મુદ્દાઓ સહિત વૈશ્વિક પડકારો પર ધ્યાન કેન્દ્રિત કરવામાં આવશે.