પ્રધાનમંત્રી મોદી આજે એટલે કે, શનિવારે વિજ્ઞાન ભવનમાં રાજ્યોના મુખ્યમંત્રીઓ અને હાઈકોર્ટના મુખ્ય જજના સંયુક્ત સંમેલનમાં જોડાયા હતા.
પીએમ મોદીનું સંમેલનમાં સંબોધન
સીએમ અને જજોના સંમેલનમાં પીએમ જોડાયા
ન્યાય વ્યવસ્થા પર કહી આ વાત
પ્રધાનમંત્રી મોદી આજે એટલે કે, શનિવારે વિજ્ઞાન ભવનમાં રાજ્યોના મુખ્યમંત્રીઓ અને હાઈકોર્ટના મુખ્ય જજના સંયુક્ત સંમેલનમાં જોડાયા હતા. આ દરમિયાન પ્રધાનમંત્રીએ સંમેલનને સંબોધન કર્યું હતું. કાર્યક્રમમાં કેન્દ્રીય કાનૂન અને ન્યાય મંત્રી કિરેન રિજિજૂ અને ભારતના મુખ્ય ન્યાયાધીશ એનવી રમના પણ જોડાયા હતા.
Addressing the Joint Conference of Chief Ministers and Chief Justices of High Courts. https://t.co/P1jsj2N1td
પીએમ મોદીએ સંમેલનમાં કહ્યું કે, આપણા દેશમાં એક બાજૂ જ્યૂડિશિયરીની ભૂમિકા સંવિધાનનું રક્ષણ કરવાની છે, તો વળી લેજિસ્ટ્રચર નાગરિકોની આકાંક્ષાઓનું પ્રતિનિધિત્વ કરે છે. મને વિશ્વાસ છે કે, સંવિધાનની આ બે ધારાઓનો સંગમ, આ સંતુલન દેશમાં પ્રભાવી અને સમયબદ્ધ રીતે ન્યાય વ્યવસ્થાનો રોડમેપ તૈયાર કરશે.
ડિજિટલ ટ્રાંજેક્શનમાં આગળ છે ભારત
નરેન્દ્ર મોદીએ કહ્યું કે, ભારત સરકાર પણ જ્યૂડિશિયલ સિસ્ટમમાં ટેકનોલોજીની સંભાવનાઓને ડિજિટલ ઈંડિયા મિશનનો એક જરૂરી ભાગ માને છે. દાત. ઈ કોર્ટ્સ પ્રોજેક્ટ આજે મિશન મોડમાં લાગૂ થઈ રહ્યું છે. આજે નાના નાના ગામડા અને ત્યાં સુધી કે ગામડામાં પણ ડિજિટલ ટ્રાંજેક્શન સામાન્ય વાત લાગે છે. સમગ્ર વિશ્વમાં ગત વર્ષે ડિજિટલ ટ્રાંજેક્શન થયા, તેમાંથી સૌથી વધારે 40 ટકા ભારતમાં થયા છે.
સ્થાનિક ભાષાને મહત્વ
પીએમ મોદીએ કહ્યું કે, આપણા કોર્ટમાં સ્થાનિક ભાષાને પ્રોત્સાહન આપવાની જરૂર છે. તેનાથી દેશના સામાન્ય નાગરિકોને ન્યાયિક સિસ્ટમ પર વિશ્વાસ બેસશે. તે તેની સાથે જોડાયેલા અનુભવાશે. તેમણે કહ્યું કે, એક ગંભીર વિષય સામાન્ય જનતા માટે કાયદાના દાવપેંચ પણ છે. 2015માં અમે લગભગ 1800 એવા કાયદાની ઓળખ કરી જે, અપ્રાંસગિક થઈ ચુક્યા હતા. તેમાંથી જે કેન્દ્રના કાયદા હતા, તેમાં 1450 કાયદાને અમે ખતમ કરી દીધા છે. પણ રાજ્યો તરફથી ફક્ત 75 કાયદા જ ખતમ કરવામાં આવ્યા છે. આવા કાયદાને કોઈ પણ કાળે ખતમ કરવાની જરૂર છે.
જ્યૂડિશિયલને મજબૂત કરવા પર થઈ રહ્યું છે કામ
હાલના સમયમાં આ અત્યંત જરૂરી છે.આ આયોજન એવા સમયે થઈ રહ્યું છે, જ્યારે દેશમાં આઝાદીના 75 વર્ષનો અમૃત મહોત્સવ મનાવામાં આવી રહ્યો છે. આઝાદીના 100 વર્ષ પુરા થાય ત્યારે એવી ન્યાય વ્યવસ્થા બની જાય, તે સારામાં સારી હોય. જ્યૂડિશિયલ ઈન્ફ્રાસ્ટ્રક્ચરને મજબૂત કરવા માટે વ્યાપક કામ થઈ રહ્યું છે. રાજ્ય પણ સારુ કામ કરી રહ્યા છે.