વડાપ્રધાન મોદી આવતીકાલે તેલ અને ગેસ સેક્ટરના સીઈઓ સાથે વાત કરશે જેમા તેઓ ખાસ મુદ્દાઓ પર વાત કરવાના છે. આ બેઠકમાં પેટ્રોલિયમ મંત્રી હરદિપસિંહ પુરી પણ તેમની સાથે હાજર રહેશે.
વડાપ્રધાન મોદી ઓઈલ સેક્ટરના સીઈઓ સાથે કરશે વાત
વીડિયો કોન્ફરન્સ દ્વારા કરશે વાતચીત
ગેસ આઘારિત અર્થવયવસ્થા પર કરવામાં આવશે વાત
વડાપ્રધાન મોદી 20 ઓક્ટોબરે વીડિયો કોન્ફરન્સ દ્વારા વૈશ્વિક તેલ અને ગેસ ક્ષેત્રે મુખ્ય અધિકારીઓ અને વિશેષજ્ઞો સાથે વાત કરશે. આ મામલે પ્રધાનમંત્રી કાર્યાલય દ્વારા કહેવામાં આવ્યું કે આ છઠ્ઠી એવી વાર્ષિક વાતચીત છે જે 2016માં શરૂ થઈ હતી. આ વાતચીતમાં તેલ અને ગેસ ક્ષેત્રે જોડાયેલા વૈશ્વિક નેતાઓ શામેલ રહેવાના છે. જેઓ ખાસ મુદ્દાઓ પર વાત કરશે સાથેજ ભારતને મદદ કરીને રોકાણ કરવા મુદ્દે પણ ચર્ચા કરી શકે છે.
સાંજે 6 વાગ્યે કરશે વીડિયો કોન્ફરન્સ
20 ઓક્ટોબરે સાંજે 6 વાગ્યે વીડિયો કોન્ફરન્સ દ્વારા ગેસ અને તેલ ક્ષેત્રે જોડાયેલા વૈશ્વિક સીઈઓ અને વિશેષજ્ઞો સાથે તેઓ વાતચીત કરશે. આ વાતચીતમાં ખાસ કરીને સામાન્ય લોકોને રાહત થાય તેના પર પહેલા ચર્ચા કરવામાં આવશે.
પેટ્રોલિયમ મંત્રી પણ રહેશે હાજર
પીએમઓના જણાવ્યા પ્રમાણે ભારત હાઈડ્રોકાર્બન ક્ષેત્રે શોધ અને ઉત્પાદનને પ્રોત્સાહિત કરશે સાથેજ ઉર્જા આત્મનિર્ભરતા, ગૈસ આધારિક અર્થવ્યવસ્થા , જૈવ ઈંધન ઉત્પાદનમાં વધારો જેવા જેવા મુદ્દાઓ પર ભારત ખાસ ચર્ચા કરશે. મોટા આતંરરાષ્ટ્રીય સંગઠનો પણ આ ચર્ચામાં ભાગ લેવાના છે. જેથી કેન્દ્રીય પેટ્રોલિયમ મંત્રી હરદીપ સિંહ પુરી પણ આ ચર્ચામાં હાજર રહેવાના છે.
2016માં થઈ હતી શરૂઆત
આપને જણાવી દઈએ આ કાર્યક્રમની શરૂઆત 2016માં થઈ હતી અને આ વર્ષે છઠ્ઠી વખત આ રીતની વાતચીત કરવામાં આવી રહી છે. તેલ અને ગેસ ક્ષેત્ર વૈશ્વિક સ્તરે અગ્રણી દેશોની ભાગીદારીનું પ્રતીક છે. આ કાર્યક્રમમાં અગ્રણી દેશો તેલ અને ગેલ સંબંધિત મુદ્દાઓ પર વિચાર વિમર્શ કરતા હોય છે.
કોરોનાને કારણે ભાવમાં ઘટાડો થયો હતો
ઉલ્લેખનીય છે કે કોરોના મહામારીને કારણે કાચ્ચા તેલની કિંમત ગતવર્ષે એપ્રિલમાં ઘટીને 19.90 ડોલર પહોચી ગઈ હતી. પેટ્રોલિયમ પ્લાનિંગ અને એનાલિસલ સેલના આંકડાઓ પરથી ખ્યાલ આવી રહ્યો છે કે સપ્ટેમ્બરમાં કાચ્ચા તેલની કિંમત 73.13 ડોલર પ્રતિબેરલ હતી.