વિદેશ પ્રવાસ / PM મોદી બ્રિક્સ શિખર સંમેલનમાં ભાગ લેવા બ્રાઝિલના બે દિવસના પ્રવાસે

• PM મોદી 13-14 નવેમ્બરે બ્રિક્સ સમિટમાં ભાગ લેશે
• બ્રિક્સ સમિટમાં ભાગ લેવા બ્રાઝીલ જશે PM મોદી
• 'ઈકોનોમિક ગ્રોથ ફોર અ ઈનોવેટિલ ફ્યુચર' વિષય પર સમિટ

પીએમ મોદીએ સૌ પ્રથમ પહેલી વખત 2014માં બ્રાઝીલના ફોર્ટાલેજામાં યોજાયેલા શિખર સંમેલનમાં ભાગ લીધો હતો. 

PM મોદી પુતિન અને શી જિનપિંગ સાથે અલગ-અલગ દ્વિપક્ષીય બેઠક કરશે

પ્રધાનમંત્રી નરેન્દ્ર મોદી રશિયાના રાષ્ટ્રપતિ વ્હાદમીર પુતિન અને ચીનના રાષ્ટ્રપતિ શી જિનપિંગ સાથે અલગ-અલગ દ્વિપક્ષીય બેઠક કરશે. પીએમ મોદી બ્રિક્સ બિઝનેસ ફોરના મુખ્ય સત્ર અને સમાપન સમારોહમાં પણ ભાગ લેશે. સંમેલનમાં સમકાલીન વિશ્વમાં રાષ્ટ્રીય સાર્વભૌમત્વ  માટે પડકારો તેમજ અવસરો પર વાતચીત કરવાની શક્યતા છે. 

વેપાર અને રોકાણ પ્રમોશન એજન્સીઓ વચ્ચે બ્રિક્સ MoU પર કરાશે હસ્તાક્ષર

બ્રિક્સ શિખર સંમેલનમાં પૂર્ણ અધિવેશનનો કાર્યક્રમ યોજાશે. જેમાં બ્રિક્સના બધા નેતાઓ વચ્ચે આર્થિક વિકાસના ક્ષેત્રમાં સહયોગ વધારા પર વાતચીત કરવામાં આવશે. પ્રધાનમંત્રી નરેન્દ્ર મોદી બ્રિક્સ બિઝનેસ કાઉન્સિલના બ્રિક્સ નેતાઓ સાથેની બેઠકમાં ઉપસ્થિત રહેશે. જેમાં બ્રાઝિલિયન બ્રિક્સ બિઝનેસ કાઉન્સિલના અધ્યક્ષ અને ન્યૂ ડેવલપમેન્ટ બેંકના અધ્યક્ષ પોત-પોતાનો રિપોર્ટ પણ આપશે. જેમાં વેપાર અને રોકાણ પ્રમોશન એજન્સીઓ વચ્ચે બ્રિક્સ MoU પર પણ હસ્તાક્ષર કરાશે.