ગુજરાતમાં પ્રાથમિક શિક્ષકોનું કહેવું છે કે, 19 નગરપાલિકા, 6 મનપાના શિક્ષકોને હજુ સુધી 4200 ગ્રેડ પે મળ્યો નથી, 4 ઑગસ્ટ સુધીમાં ઉકેલ નહીં આવે તો 5 ઓગસ્ટથી શિક્ષકો ધરણાં કરશે
4200 ગ્રેડ પે મામલે ફરી શિક્ષકો આંદોલન કરશે
ગ્રેડ પે નો અમલ ન થતાં ફરી આંદોલન કરશે
ગુજરાત રાજ્ય નગર પ્રાથમિક શિક્ષક સંઘે આપી ચીમકી
પ્રાથમિક શિક્ષકોનો વિવાદિત 4200 ગ્રેડ પેનો મામલો ફરી સામે આવ્યો છે. ગ્રેડ પે મામલે હજુ કેટલાક શિક્ષકોને નવા ગ્રેડ પેનો લાભ ન મળતા આંદોલનની ચીમકી ઉચ્ચારી છે. શિક્ષકોનું કહેવું છે કે, 19 નગરપાલિકા, 6 મનપાના શિક્ષકોને હજુ સુધી 4200 ગ્રેડ પે મળ્યો નથી. 4 ઑગસ્ટ સુધીમાં ઉકેલ નહીં આવે તો 5 ઓગસ્ટથી શિક્ષકો ધરણાં કરશે. સરકારે 4200 ગ્રેડ પે જિલ્લા પંચાયતના શિક્ષકોને જ આપ્યો છે. 15000 શિક્ષકો 4200 ગ્રેડ પેથી હજુ વંચિત હોવાની રજૂઆત થઈ રહી છે. ગુજરાત રાજ્ય નગર પ્રાથમિક શિક્ષક સંઘે ચીમકી આપી છે.
અમદાવાદમાં નગર પ્રાથમિક શિક્ષણ સમિતીની ચૂંટણી
નગર પ્રાથમિક શિક્ષણ સમિતિનીના સભ્યોની મુદ્દત પુર્ણ થતા નવા સભ્યો માટેના ફોર્મ ભરાવવાની છેલ્લો દિવસ 22 જુલાઈ છે. 22 જુલાઈ બાદ 5 ઓગસ્ટે નગર પ્રાથમિક શિક્ષણ સમિતિના સભ્યો માટે ચૂંટણી યોજાશે અને 5 જુલાઈએ જ પરિણામ જાહેર થશે. અત્યારે સુધી અમદાવાદ કોર્પોરેશનમાં ભાજપ અને કોંગ્રેસ બે જ પક્ષ હતા માટે ચૂંટણી થયા વગર જ સભ્યો જાહેર કરવામાં આવતા હતા. પરંતુ આ વર્ષે કોરર્પોરેશનમાં 3 પક્ષ હોવાથી નગર પ્રાથમિક શિક્ષણ સંઘના સભ્યો માટે ચૂંટણી થવાની પુરેપુરી શક્યતાઓ દેખાઈ રહી છે.