સોમનાથમાં કોળી સમાજના મહાસંમલેનમાં ધારાસભ્ય વિમલ ચુડાસમાનો હુંકાર, 'સમાજના દીકરા તરીકે રાજનીતીમાં જતા હોયઇ છીએ ત્યારે ક્યારેય રાજનીતિના માણસ તરીકે નહીં સમાજના દીકરા તરીકે રહેવાનું હોય છે'
ગીર સોમનાથના ધારાસભ્ય વિમલ ચુડાસમાનો હુંકાર
'રાજનીતિમાં માણસ તરીકે નહીં પણ સમાજના દીકરા તરીકે રહેવાનું'
સમાજના દીકરા તરીકે રાજનીતિમાં જતા હોઇએ છીએ: ચુડાસમા
સોમનાથમાં વીર માંધાતા પ્રાગટ્ય મહોત્સવની ઉજવણી કરવામાં આવી છે, જ્યાં કોળી સમાજના મહાસંમલેન યોજાયુ છે. આ કોળી સમાજના મહાસંમેલનમાં ધારાસભ્ય વિમલ ચુડાસમાનો હુંકાર સામે આવ્યો છે.
કોળી સમાજના મહાસંમેલનમાં ધારાસભ્ય વિમલ ચુડાસમાનો હુંકાર
ધારાસભ્ય વિમલ ચુડાસમાએ હુકાર ભરતા જણાવ્યું કે, સમાજના દીકરા તરીકે રાજનીતીમાં જતા હોયઇ છીએ ત્યારે ક્યારેય રાજનીતિના માણસ તરીકે નહીં સમાજના દીકરા તરીકે રહેવાનું હોય છે. તેમણે કહ્યું કે, કોંગ્રેસ-ભાજપ હોય કે કોઇ પણ અન્ય પાર્ટી હોય, જો પાર્ટીના બનીને રહીએ તો સમાજને નુકસાન થાય છે તેમણે કહ્યું કે, હું કોંગ્રેસ પાર્ટીનો રહેવા નથી માગતો હું કોળી સમાજનો રહેવા માગું છું તેમણે ઉમેર્યું કે, સોમનાથ દાદા મને શક્તિ આપે કે, આપ સમાજના લોકો માટે લડું અને હંમેશા લડતો રહીશ.
કોળી સમાજનું મહાસંમેલન યોજાયું
જ્યાં વિમલનો જીવ દેવો પડે તો આ વિમલ સમાજ માટે જીવ દેવા તૈયાર રહેશે તેમ ધારાસભ્ય વિમલ ચુડાસમાએ જણાવ્યું હતું. તેમણે કહ્યું કે, રાજનીતિમાં સમાજનો માણસ બનીને રહેવાનો છે. તેમણે કહ્યું કે, કોઈ પાર્ટીનો માણસ બનીને રહેવા કરતા સમાજના માણસ બનીને રહેવામાં સમાજનું ભલું થાય છે. તમને જણાવી દઈએ કે, સોમનાથથી ભવ્ય શોભાયાત્રા બાદ કોળી સમાજનું મહાસંમેલન યોજાયું હતું.