અમદાવાદ શહેરમાં ફરી પેટ્રલ-ડીઝલના ભાવમાં જંગી વધારો કરાયો છે આજે પેટ્રોલ 34 પૈસા અને ડીઝલ 38 પૈસા વધારો કરાતા શહેરમાં પેટ્રોલ પ્રતિ લીટર 104.92 રૂપિયા જ્યારે ડીઝલ 104.57 રૂપિયા પ્રતિ લીટર મોંઘુ થયું છે
મોંઘવારીનો માર પ્રજા હેરાન પરેશાન
ઈંધણના ભાવમાં ફરી ભડકો થતા લોકો પરેશાન
પેટ્રોલ-ડીઝલના ભાવમાં ફરી એકવાર વધારો
રાજ્યના સરકારી કર્મચારીઓની દિવાળી સુધરી ગઈ છે જ્યારે આ વખતે વધતી મોંઘવારીને લઈને ગુજરાતના સામાન્ય પ્રજાની દિવાળીને ગ્રહણ લાગ્યું હોય તેવું જણાઈ રહ્યું છે. સતત મોંઘવારી માજા મુકી રહી છે ઈંધણના વધતા ભાવોએ સામાન્ય માનવીનું ટેન્શન વધાર્યું છે, કેમ કે ઈંધણના ભાવ વધતા જીવન જરૂરી ચીજવસ્તુઓમાં પણ ધરખમ વધારો થતા છે બીજી તરફ મુસાફરી પણ મોંઘી બની છે.
ઈંધણના ભાવમાં ફરી ભડકો થતા લોકો પરેશાન
પેટ્રોલ-ડીઝલના ભાવમાં ફરી એકવાર ભડકો થતા લોકોની ચિંતા વધી ગઈ છે અને જાયે તો જાયે કહાં જેવી પરિસ્થિતિ નિર્માણ પાણી છે. ઈંધણના સતત વધી રહેલા ભાવે તહેવારોની સિઝન ફિક્કી કરી નાખી છે જેના કારણે શાકભાજીથી લઈને તમામ ચીજવસ્તુઓ મોંઘી થઈ છે. જેથી આ વર્ષે દિવાળીની ચમક ઝાંખી થઈ ગઈ છે અમદાવાદ શહેરમાં આજે પણ પેટ્રલ-ડીઝલના ભાવમાં જંગી વધારો કરાયો છે આજે પેટ્રોલ 34 પૈસા અને ડીઝલ 38 પૈસા વધારો કરાતા શહેરમાં પેટ્રોલ પ્રતિ લીટર 104.92 રૂપિયા મોંઘુ થયું છે જ્યારે ડીઝલ 104.57 રૂપિયા પ્રતિ લીટર મોંઘુ બન્યું છે. અમદાવાદ સાથે રાજ્યના મોટા શહેરોમાં પણ ઈંધણના ભાવમાં ધરખમ વધારો જોવા મળી રહ્યો છે. વડોદરા,સુરત,રાજકોટ, ગાંધીનગર, જામનગરમાં પણ પેટ્રોલ આસમાને પહોંચ્યું છે તો આ શહેરોમાં 104 રૂપિયાને વટાવી ચુક્યું છે તો આ તરફ ભાવનગરમાં પેટ્રોલ અને ડીઝલ ગુજરાતમાં સૌથી મોંઘુ બન્યું છે. ભાવનગરમાં પેટ્રોલની કિંમત 106.65 રૂપિયા અને ડીઝલની કિંમત 106.29 રૂપિયા પ્રતિ લીટરે પહોંચી ગયું છે.
પેટ્રોલ-ડીઝલના ભાવમાં ફરી એકવાર વધારો
પેટ્રોલ 34 પૈસા અને ડીઝલ 38 પૈસા વધારો થતા આજે અમદાવાદમાં પેટ્રોલ 104.92 રૂપિયા અને ડીઝલ 104.57 રૂપિયા તો સુરતમાં પેટ્રોલ 104.78 અને ડીઝલ 104.44 રૂપિયા, વડોદરામાં પેટ્રોલ 104.56 અને ડીઝલ 104.21 રૂપિયા, રાજકોટમાં પેટ્રોલ 104.68 રૂપિયા, ડીઝલ 104.35 રૂપિયા મોંઘુ મળી રહ્યું છે જ્યારે ગાંધીનગરમાં પેટ્રોલ 105.14, ડીઝલ 104.78 પ્રતિ લીટર, જામનગરમા પેટ્રોલ 104.86, ડીઝલ 104.50 પ્રતિ લીટર અને ભાવનગરમાં સૌથી મોંઘુ પેટ્રોલ 106.65, ડીઝલ 106.29 પ્રતિ લીટર મળી રહ્યું છે અને મહેસાણામાં પેટ્રોલ 105.03, ડીઝલમાં 104.70 પ્રતિ લીટર જેટલો વધારો કરાયો છે.
CNG-PNGના ભાવ વધ્યા
ગઈ સાલ ૪ ઓક્ટોબરના રોજ પણ સીએનજી-પીએનજીના ભાવ વધારાયા હતા. એ વખતે રાજધાની દિલ્હીમાં સીએનજીની કિંમત વધીને પ્રતિકિલો રૂ.42.70 અને પીએનજીની કિંમત વધીને પ્રતિ એસસીએમ રૂ.27.50 થઈ હતી. કેટલાંક શહેરોમાં સીએનજી અને પીએનજીના ભાવમાં જોરદાર વધારો થઈ ગયો છે, જેમ કે કાનપુર, ફતેહપુર અને હમીરપુરમાં સીએનજીનો ભાવ પ્રતિકિલો રૂ.66.54 ને આંબી ગયો છે. એ જ રીતે એજમેર, પાલી અને રાજસમંદમાં પ્રતિકિલો ભાવ વધીને રૂ.65.02 થઈ ગયો છે, જ્યારે મુઝફ્ફરનગર, મેરઠ અને શામલીમાં સીએનજીનો પ્રતિકિલો ભાવ વધીને રૂ.63.28 થયો છે.
મોંઘવારીનો માર પ્રજા હેરાન પરેશાન
હકીકતમાં સરકારે 30 સપ્ટેમ્બરે નેચરલ ગેસ એટલે કે ડોમેસ્ટિક ગેસની કિંમતમાં ૬૨ ટકાના ધરખમ વધારાની જાહેરાત કરી હતી. ઓક્ટોબર-માર્ચના છ મહિના (ઓક્ટોબર-2021થી માર્ચ-૨૦૨૨) માટે નેચરલ ગેસની કિંમત વધીને હવે 2.90 ડોલર પ્રતિ મેટ્રિક મિલિયન બ્રિટિશ થર્મલ યુનિટ (એમએમબીટીયુ) થઈ ગઈ છે, જ્યારે એપ્રિલ-સપ્ટેમ્બર, 2021 ના છ મહિનાના સમયગાળા માટે આ કિંમત પ્રતિ એમએમબીટીયુ 1.79 ડોલર હતી.