મોંઘવારી / રોજ વધતા ભાવથી સામાન્ય નાગરિકો હેરાન-પરેશાન, આજે આટલું મોંઘુ થયું પેટ્રોલ-ડીઝલ  

• પેટ્રોલ-ડીઝલના ભાવમાં ફરી ભડકો
• પેટ્રોલ 34 પૈસા, ડીઝલ 38 પૈસા મોંઘું
• અમદાવાદમાં પેટ્રોલ 103.39 રૂપિયા

રોજ વખતા પેટ્રોલના ભાવોએ પ્રજાની દિવાળી બગાડી છે. વધતા ઈંધના ભાવને કારણે પ્રજાના હાલ બેહાલ બન્યા છે ત્યારે આજે ફરી પેટ્રોલ અને ડીઝલના ભાવમાં વધારો થયો છે. દિવસે દિવસે ઈંધણના ભાવ આસમાને જઈ રહ્યા છે. એક તરફ મોંઘવારીનો માર સહન કરવાનો પડી રહ્યો છે ત્યારે ઈંધણના ભાવ વધવાને કારણે જીવન જરૂરી ચીજવસ્તુઓના ભાવમાં પણ ધરખમ વધારો થઈ રહ્યો છે. 

પેટ્રોલ-ડીઝલના ભાવમાં સતત વધારો

આજે ફરી પેટ્રોલ ડીઝલના ભાવમાં ભડકો જોવા મળ્યો છે.આજે પેટ્રોલ 34 પૈસા વધુ મોંઘુ બન્યું છે જ્યારે ડીઝલ પણ 38 પૈસા મોંઘુ થયું છે, જેથી અમદાવાદ સહિતે રાજ્યના અનેક શહેરોમાં પેટ્રોલના ભાવ 100 રૂપિયાને પાર વટાવી ચુક્યા છે. અમદાવાદમાં પેટ્રોલનો ભાવ 103.39 રૂપિયા તો ડીઝલનો ભાવ 102.68 રૂપિયા પ્રતિ લિટર થયો છે. જ્યારે  પેટ્રોલની કિંમત 103.08 રૂપિયા અને ડીઝલમાં 102.56 રૂપિયા પ્રતિ લિટર તો વડોદરામાં પેટ્રોલ 102.87 રૂપિયા અને ડીઝલ 102.32 રૂપિયા પ્રતિ લિટર મોંઘુ થયું છે. જ્યારે રાજકોટમાં  પેટ્રોલનો ભાવ 102.99 રૂપિયા પ્રતિ લિટર અને ડીઝલ 102.46 રૂપિયા પ્રતિ લિટરે પહોંચ્યો છે. 

મોંઘવારીનો માર પ્રજા હેરાન પરેશાન

હકીકતમાં સરકારે 30 સપ્ટેમ્બરે નેચરલ ગેસ એટલે કે ડોમેસ્ટિક ગેસની કિંમતમાં 62 ટકાના ધરખમ વધારાની જાહેરાત કરી હતી. ઓક્ટોબર-માર્ચના 6 મહિના (ઓક્ટોબર-2021થી માર્ચ-2022) માટે નેચરલ ગેસની કિંમત વધીને હવે 2.90 ડોલર પ્રતિ મેટ્રિક મિલિયન બ્રિટિશ થર્મલ યુનિટ (એમએમબીટીયુ) થઈ ગઈ છે, જ્યારે એપ્રિલ-સપ્ટેમ્બર, 2021 ના 6 મહિનાના સમયગાળા માટે આ કિંમત પ્રતિ એમએમબીટીયુ 1.79 ડોલર હતી.

આ રીતે જાણી શકાશે પેટ્રોલ ડીઝલના ભાવ 

પેટ્રોલ-ડીઝલના છૂટક ભાવમાં દરરોજ સુધારો કરવામાં આવે છે અને તે પછી નવા ભાવ સવારે 6 વાગ્યે બહાર પાડવામાં આવે છે. તમે ઘરે બેઠા SMS દ્વારા જ તમારા નજીકના પેટ્રોલ પંપ પર પેટ્રોલ-ડીઝલની કિંમત જાણી શકો છો. ઇન્ડિયન ઓઇલ ગ્રાહકો RSP સાથે સિટી કોડ દાખલ કરીને તેમના મોબાઇલ પરથી 9224992249 પર સંદેશ મોકલો. તમને ઇન્ડિયન ઓઇલ (IOCL) ની સત્તાવાર વેબસાઇટ પર સિટી કોડ મળશે. મેસેજ મોકલ્યા બાદ તમને પેટ્રોલ અને ડીઝલની નવીનતમ કિંમત મોકલવામાં આવશે. એ જ રીતે બીપીસીએલ(BPCL) ગ્રાહકો તેમના મોબાઇલ પરથી આરએસપી લખીને 9223112222 પર એસએમએસ મોકલી શકે છે. HPCL ના ગ્રાહકો HPPrice અને 9222201122 લખીને SMS મોકલી શકે છે. છૂટક ઇંધણના ભાવ નવા રેકોર્ડ સ્તરે પહોંચી ગયા છે. એ શહેરોની સંખ્યા સતત વધી રહી છે જ્યાં પેટ્રોલ 100 રૂપિયા પ્રતિ લિટરથી વધુ કિંમતે વેચાય છે.