5 રાજ્યોના ઈલેક્શનનાં રિઝલ્ટ સામે આવ્યા બાદ પેટ્રોલ-ડીઝલ મોંઘુ નહી પરંતુ સસ્તુ થઇ ગયું છે. જાણો કેટલો થયો છે પેટ્રોલ-ડીઝલનાં ભાવમાં ઘટાડો
પેટ્રોલ-ડીઝલનાં ભાવ ઘટ્યા
12થી 16 રૂપિયા વધાવાની હતી આશા
જાણો ક્યા શહેરમાં કેટલો ઘટ્યો ભાવ
પેટ્રોલ-ડીઝલનાં ભાવ ઘટ્યા
5 રાજ્યોના ઈલેક્શનનાં રિઝલ્ટ સામે આવ્યા બાદ પેટ્રોલ-ડીઝલ મોંઘુ નહિ પરંતુ સસ્તુ થઇ ગયું છે. આ ખબર ભલે તમને ચોંકાવી દે, પરંતુ હકીકત આ જ છે, અમુક શહેરોમાં તો પેટ્રોલનાં રેટમાં એક રૂપિયો લીટરનો ઘટાડો થયો છે. રશિયા યુક્રેન યુદ્ધ વચ્ચે ક્રુડ ઓઈલની કિંમતમાં સતત વધારો થઇ રહ્યો હતો.
12થી 16 રૂપિયા વધાવાની હતી આશા
ક્રુડનાં ભાવમાં વધારા વચ્ચે ઈલેક્શન બાદ પેટ્રોલનાં ભાવમાં 12થી 16 રૂપિયા પ્રતિ લીટર સુધીના વધારાની આશા જતાવાઈ રહી હતી. પરંતુ હવે ભાવમાં ઘટાડો થવાથી લોકો ખુશ છે. આવનાર સમયમાં કિંમતમાં હજી વધારે ઘટાડાની સંભાવના છે. બે દિવસમાં ક્રુડ 139 ડોલર પ્રતિ બેરલથી ઘટીને 108.7 ડોલર પર છે.
ક્યા શહેરમાં કેટલો ઘટ્યો ભાવ
શુક્રવારે ભુવનેશ્વરમાં પેટ્રોલનો ભાવ ઘટીને 102.27 ઉપીયાથી 101.81 રૂપિયા પ્રતિ લીટર હતો. જયપુરમાં આ રેટ 108.07 રૂપિયાથી ઘટીને 107.06 રૂપિયા પ્રતિ લીટર પહોંચી ગયો છે. જ્યારે ડીઝલ 91 પૈસા ઘટીને 90.70 રૂપિયા પર આવી ગયું છે. પટનામાં રેટ 106.44 રૂપિયાથી ઘટીને શુક્રવારે સવારે 105.90 રૂપિયા જોવામાં આવ્યો.
મેટ્રો શહેરોમાં કોઈ બદલાવ નહી
ગુડગાંવમાં પેટ્રોલનાં રેટ થોડા વધારા સાથે 95.59 રૂપિયા પ્રતિ લીટર પર છે. જ્યારે નોયડામાં રેટ વધીને 95.73 રૂપિયા પ્રતિ લીટર છે. મેટ્રો શહેરોમાં તેલનાં રેટમાં બદલાવ જોવામાં આવ્યો નથી. નવી દિલ્હી, કોલકાતા, મુંબઈ, ચેન્નાઈ તથા બેંગ્લોરમાં રેટ ક્રમશઃ 95.41, 104.67, 109,98, 91.43 અને 101.40 રૂપિયા પ્રતિ લીટર છે.
2 થી 3 રૂપિયા ઘટી શકે છે રેટ
સૌથી મોટી રિફાઈનરી ચલાવનાર કંપની BPCLનાં ચેરમેન તથા MD અરુણ કુમાર સિંહ અનુસાર, આવનાર 2 અઠવાડિયામાં કાચા તેલની કિંમત 100 ડોલરથી નીચે આવી શકે છે. તેમણે એ પણ આશા જતાવી છે કે ક્રુડ ઓઈલ 90 ડોલર પ્રતિ બેરલનાં સ્તર પર આવી શકે છે. આવું થયું તો, પેટ્રોલ-ડીઝલનાં ભાવમાં 2 થી 3 રૂપિયા પ્રતિ લીટરનો ઘટાડો જોઈ શકાશે.