ભાવ વધારો / સોના ચાંદીના ભાવમાં વધારો, પોતાના હાઈ રેકોર્ડ પર પહોચ્યું સોનું, જાણો આજનો ભાવ

• સોના પર ઈમ્પોર્ટ ડ્યૂટીમાં 5 ટકાનો વધારો
• માત્ર બે દિવસમાં સોનાના ભાવમાં 1700રૂ. નો વધારો 
• વૈશ્વિક બજારમાં સોનાના ભાવમાં ઘટાડો

સોના-ચાંદીના ભાવમાં ઉછાળો
સોના-ચાંદીના ભાવમાં ફરીથી મોટો ઉછાળો આવ્યો છે. જ્યારથી સરકારે સોના પરની આયાત ડ્યૂટીમાં 5 ટકાનો ધરખમ વધારો કર્યો છે, ત્યારથી સોનાના ભાવમાં વધારો થઈ રહ્યો છે. માત્ર બે ટ્રેડિંગ સેશનમાં સોનું લગભગ 1700 રૂપિયા મોંઘું થયું છે અને ફરી એકવાર 52,000ની સપાટીને પાર કરી ગયું છે. એટલું જ નહીં તમને જણાવી દઈએ કે સોનાનો વાયદાનો ભાવ આજે બે મહિનામાં સૌથી વધુ છે.

શું છે સોના-ચાંદીના ભાવ?
આજે સવારે મલ્ટિકમોડિટી એક્સચેન્જ પર 24 કેરેટ શુદ્ધતા ધરાવતા સોનાનો વાયદો રૂ.323 વધી રૂ.52,240 પ્રતિ 10 ગ્રામ થયો હતો, જ્યારે એમસીએક્સ પર ચાંદીનો વાયદો સવારે રૂ.58 વધીને રૂ.57,800 પ્રતિ કિલો થયો હતો. આજે કારોબારની શરૂઆતમાં સોનું 52,050 રૂપિયા પ્રતિ 10 ગ્રામના સ્તર પર હતું. પરંતુ સપ્લાઈ પર અસરને કારણે તેમાં જલ્દી જ ઉછાળો જોવા મળવા લાગ્યો. સોનામાં પાછલા બંધથી લગભગ 0.6 ટકાની તેજી સાથે ટ્રેડિંગ થઈ રહ્યું છે, જ્યારે ચાંદી તેના પાછલા બંધથી 0.10 ટકા ઉપર દેખાઈ રહી છે. વાસ્તવમાં સરકારે શુક્રવારે સોના પર આયાત ડ્યૂટી 7.5 ટકાથી વધારીને 12.5 ટકા કરી દીધી છે, જેની સીધી અસર કિંમતો પર પડે છે.

વૈશ્વિક બજારની હાલત 
વૈશ્વિક બજારમાં સોનાના ભાવમાં ઘટાડો જોવા મળી રહ્યો છે. અમેરિકી બજારમાં આજે સોનાનો હાજર ભાવ 1,812.40 ડોલર પ્રતિ ઔંસ રહ્યો હતો, જ્યારે ચાંદીનો હાજર ભાવ ઘટીને 19.86 ડોલર પ્રતિ ઔંસ પર આવી ગયો હતો. આ સાથે જ પ્લેટિનમનો હાજર ભાવ 886 ડૉલર છે, જે પાછલા બંધ ભાવથી 0.56 ટકા ઓછો છે. પેલેડિયમનો હાજર ભાવ ઘટીને 1,860 ડોલર થયો હતો. એટલે કે વૈશ્વિક બજાર હાલ ડીમ ચાલી રહ્યું છે.

સોનાના ભાવ વધશે કે ઘટશે?
ભારત સરકારે સોના પર આયાત ડ્યૂટી વધારી છે. રશિયાએ G7 દેશોમાં સોનાની નિકાસ પર પણ પ્રતિબંધ લગાવી દીધો છે. આવી સ્થિતિમાં આગામી સમયમાં સોનાના ભાવમાં વધુ વધારો થશે. એક્સપર્ટના મતે એમસીએક્સ પર સોનું 53 હજારની ઉપર જઈ શકે છે. અથવા સોનું તેની રેકોર્ડ હાઈ 56,200 સુધી જઈ શકે છે. ફીઝીકલ સોનાના ભાવમાં ઉછાળાને કારણે શુક્રવારે ગોલ્ડ ઇટીએફનું રોકાણ 0.8 ટકા ઘટીને 1,041.9 ટન પર આવી ગયું હતું.