ભાવ વધારો / આમ આદમીને મોંઘવારીનો ફટકો, વધ્યા એલપીજી સિલિંડરનાં ભાવ

• ડિસેમ્બરમાં બે વખત વધારો ઝીંકાયો હતો
• 4 ફેબ્રુઆરીથી નવા ભાવ અમલમાં
• ચેન્નાઈમાં સૌથી મોંઘો કમર્શિયલ એલપીજી સિલિંડર

કમર્શિયલ એલપીજી સિલિંડરની કિંમતમાં ઘટાડો
એક તરફ ઓઈલ માર્કેટિંગ કંપનીઓએ તેનાં વ્યાવસાયિક સિલિંડરોની કિંમતમાં ઘટાડો કર્યો છે જ્યારે ઘર વપરાશમાં ઉપયોગમાં લેવાતા એલપીજી સિલિંડરની કિંમતમાં 25 રુપિયાનો વધારો ઝીંક્યો છે. અગાઉ પણ કમર્શિયલ એલપીજી સિલિંડરની કિંમતમાં 190 રુપિયા પ્રતિ સિલિંડર વધારો કરાયો હતો. 

ઘર વપરાશનાં એલપીજી સિલિંડરની કિંમતમાં સતત વધારો
એલપીજી સિલિંડરની કિંમતમાં 25 રુપિયાનો વધારો થયા બાદ હવે દિલ્હીમાં એલીપીજી સિલિંડરની કિંમત 719 રુપિયા થઈ ગઈ છે. આ નવી કિંમતો 4 ફેબ્રુઆરીથી લાગુ કરવામાં આવશે. ઉલ્લેખનીય છે કે ડિસેમ્બરમાં આઈઓસી દ્વારા રસોઈ ગેસનીં કિંમતમાં બે વખત વધારો કર્યો હતો. કંપનીએ 2 ડિસેમ્બરે 50 રુપિયાનો વધારો કર્યો હતો અને ત્યારબાદ 15 ડિસેમ્બરે બીજા 50 રુપિયાનો વધારો ઝીંક્યો હતો.

મહાનગરોમાં ઘરવપરાશ માટેનાં ગેસની કિંમતો 
દિલ્હી - 719 રુપિયા
મુંબઈ - 719 રુપિયા
કોલકાતા - 745 રુપિયા
ચેન્નાઈ - 735 રુપિયા

કમર્શિયલ સિલિંડરમાં 190 રુપિયા વધારો ઝીંકાયો હતો
અગાઉ 1 ફેબ્રુઆરીએ કમર્શિયલ એલપીજી સિલિંડરનીં કિંમતમાં 190 રુપિયાનો વધારો કરાયો હતો. જેમાં હવે 6 રુપિયા ઘટાડવામાં આવ્યા છે. દિલ્હીમાં કમર્શિયલ સિલિંડરની કિંમત 1533 રુપિયા થઈ ગઈ છે. વ્યાવસાયિક સિલિંડરની કિંમત મુંબઈમાં 1480.50 રુપિયા, કોલકાતામાં 1598.50 રુપિયા અને ચેન્નાઈમાં 1649 રુપિયા થઈ ગઈ છે.