તહેવારની સિઝન હવે શરૂ થઇ ચૂકી છે. લોકો એકબીજાની સાથે હળીમળીને ઉત્સવ ઉજવી રહ્યાં છે ત્યારે હાલમાં ફરી ઑમિક્રોનનાં નવા વેરિયન્ટે દસ્તક આપી છે જેનો ગુજરાતમાં પહેલો કેસ સામે પણ આવી ગયો છે. એક્સપર્ટ્સે દિવાળીના દિવસો દરમિયાન ખાસ સાવધાન રહેવા સૂચન પણ કર્યું છે.
તહેવારો વચ્ચે ફરી કોરોનાએ આપી દસ્તક
ઓમિક્રોનનાં સબ વેરિયન્ટનો કેસ ગુજરાતમાં
સાવધાની રાખવા એક્સપર્ટ્સનું સૂચન
પૂરાં 2 વર્ષો બાદ હવે લોકો દિવાળીનો આ મોટો તહેવાર વગર કોઇ ચિંતા ઉજવી શકે છે ત્યારે હેલ્થ એક્સપર્ટ્સ તરફથી લોકો માટે એલર્ટ જાહેર કરવામાં આવ્યો છે. આ વખતે કોરોનાના વેરિયન્ટ ઑમિક્રોનનો પણ સબ વેરિયન્ટ લોકોની વચ્ચે ફેલાઇ રહ્યો છે જેનો કેસ ગુજરાતનાં દ્વારે પણ આવી ચૂક્યો છે. ન માત્ર ભારત પરંતુ આ સબ વેરિયન્ટ હવે અમેરિકા, બ્રિટન, ઑસ્ટ્રેલિયા અને બેલ્જિયમમાં પણ ફેલાઇ ગયો છે.
આ સબ વેરિયન્ટ ખતરનાક છે. ત્યારે ભીડવાળી જગ્યાઓ પર જવાનું ટાળવું જોઇએ. આ સાથે અમુક બીજી બાબતોનું પણ ધ્યાન રાખવું અનિવાર્ય છે.
Indoor કે outdoor કેવી પાર્ટી વધુ સેફ?
covid-19ની મહામારી વચ્ચે પોતાના હેલ્થ અને સિક્યોરિટીને પ્રાથમિકતા આપવી પાર્ટીઝમાં જવું જોઇએ. વર્ષ 2021નાં રિવ્યૂ અનુસાર આઉટડોર પાર્ટીઝની તુલનામાં ઇનડોર પાર્ટીઓમાં કોરોના ફેલાવવાનો ખતરો વધી જાય છે. CDC યૂએસ સેન્ટર ફોર ડિઝીઝ કંટ્રોલ એન્ડ પ્રિવેન્શને કહ્યું તે મુજબ ' ઇન્ડોર જગ્યાઓ, ખુલ્લી સ્પેસ કરતાં વધુ જોખમી છે કારણકે ત્યાં લોકોને ડિસ્ટન્સ પર રાખવું મુશ્કેલ છે અને ઇન્ડોર પાર્ટીઓમાં વેન્ટિલેશનની સમસ્યા વધુ હોવાથી શ્વાચ્છોશ્વાસ વડે ચેપ વધુ ફેલાઇ શકે છે.'
લિમીટેડ લોકોને બોલાવવું
દિવાળીનો તો પર્વ જ એવો છે જ્યારે બધાં જ લોકો સાથે મળીને તહેવારની ઊજવણી કરે છે. પરંતુ કોવિડ-19 એક સંક્રામક બિમારી છે જે ઉધરસ, છીંક કે વાત કરવાથી પણ એક વ્યક્તિથી બીજી વ્યક્તિમાં સરળતાથી ફેલાઇ શકે છે. તેથી સંક્રમણનાં જોખમને ઘટાડવા તમે દિવાળીની પાર્ટીમાં ઓછાંમાં ઓછાં લોકોને બોલાવી શકો છો.
લક્ષણ હોય તો વર્ચ્યુઅલી કરી શકો સેલિબ્રેટ
જો તહેવારની ઊજવણી દરમિયાન કે આસપાસનાં દિવસોમાં તમને કોવિડ-19નાં લક્ષણો દેખાય છે તો તમે લોકોથી દૂર રહીને પણ આ તહેવાર ઉજવી શકશો. પોતાના રક્ષણની સાથે પોતાના આસપાસનાં લોકોનું રક્ષણ પણ અનિવાર્ય છે તેથી તમને જો ઉધરસ, શરદી, તાવ, છાતીમાં દુ:ખાવો વગેરે જેવા લક્ષણો દેખાય છે તો તમે વર્ચ્યુઅલી એટલે કે વીડિયો કોલ, ઝૂમ મીટિંગ વગેરે દ્વારા તમારા ફેમિલી - ફ્રેન્ડઝ સાથે દિવાળી ઊજવી શકો છો.
માસ્ક અને સેનેટાઇઝરનો ઉપયોગ
કોઇના ઘરે નાની પાર્ટી હોય કે કોઇ મોટાપાયે ઉજવણીનો કાર્યક્રમ, તમને પોતાના હેલ્થનું ધ્યાન રાખવા માટે અમુક સામાન્ય કાળજી લેવી જ જોઇએ. જ્યાં પણ નિકળો ત્યાં માસ્કનો ચોક્ક્સથી ઉપયોગ કરવો. વારંવાર હાથ ધોવા કે સેનેટાઇઝરનો ઉપયોગ વારંવાર કરવો જેથી ચેપ લાગે નહીં. અને કોવિડનાં જોખમને થઇ શકે તેટલો ઓછો કરી શકીએ.