આરોગ્ય વિભાગ / કપ્પા વેરિયન્ટ જાણો લોકો માટે કેટલો ઘાતક, આરોગ્ય વિભાગના અગ્ર સચિવે કર્યું મહત્વનું નિવેદન

• કોરોનાના કપ્પા વેરિયન્ટને લઈ આપ્યુ નિવેદન
• "કપ્પા વેરિયંટ ઘાતક સાબિત થયો નથી"
• "નાગરિકોએ અત્યાર સુધી સહયોગ કર્યો છે"

ગાંધીનગર ખાતે આરોગ્ય અગ્ર સચિવ મનોજ અગ્રવાલે પત્રકાર પરિષદ દ્વારા કોવિડ 19ના નવા વેરિયન્ટ કેટલા ઘાતક છે. તે WHO નક્કી કરે છે. મનોજ અગ્રવાલે કહ્યું કે, અત્યાર સુધીમાં 4 નવા વેરિયન્ટ મળ્યા છે. જેમાં  ડેલ્ટા, આલ્ફા, બીટા અને ગામાં આ 4 નવા મુખ્ય વેરિયન્ટ છે. આ સાથે 6 વેરિયન્ટ ઓફ ઈન્ટરેસ્ટ મળ્યા છે. આ વેરિયન્ટના કેટલાક કેસ ગુજરાતમાં પણ જોવા મળ્યા છે. તો કપ્પા વેરિયન્ટ અંગે કહ્યું કે, અત્યાર સુધી આ કપ્પા વેરિયન્ટ ઘાતક સાબિત થયો નથી.

કપ્પા વેરિયન્ટ ઉપર ચકાસણી WHO અને ICMRમાં કરાઈ રહી છે. કપ્પા વેરિયન્ટ વિશે પણ કહ્યું કે, એ વેરિયન્ટ ઓફ ઈન્ટરેસ્ટ છે. અને તેમાં પણ જેનોમ સિકવન્સિમ થયું છે. ઓરિજન્લ ડેલ્ટા વાઈરસમાં પણ જેનેટિક ફેરફાર થયો છે. ગુજરાત સરકારે પણ આ બાબની પૂરતી કાળજી રાખી છે. અને જેટલા કેસો મળ્યા તેના સેમ્પલ લઈ ગુજરાત બાયોટેક્નોલોજીકલમાં ઉભા થઈ રહેલા સેન્ટર પર મોકલવામાં આવે છે. સાથે પૂનેમાં પણ મોકલવામાં આવે છે. કપ્પા વેરિયન્ટના પણ થોડા કેસ જોવા મળ્યા છે.